۸۰۰ هه‌زار که‌م ئه‌ندامی ئێران مووچه‌ وه‌رده‌گرن

سه‌رۆکی ڕێکخراوی بێهزیستی ئێران وتی: یه‌ک ملیۆن و ۴۱۵ هه‌زار که‌س که‌م ئه‌ندام له‌ ئێراندا هه‌یه‌ که‌ له‌م ژماره‌یه‌ ۸۰۰ هه‌زاریان دۆخیان خراپه‌ و مووچه‌یان پێده‌درێت.

به ڕاپۆرتی ئاژانسی مێهر، وه‌حید قۆبادی دانا ئێواره‌ی سێ شه‌مه‌ له‌ کۆبوونه‌وه‌یه‌ک له‌ کوردستان وتی: له‌ ژماره‌ی که‌م ئه‌ندامانی ئێران زیاتر له‌ ۲۵ هه‌زار که‌س مووچه‌ی چاودێڕی وه‌رده‌گرن که‌ هیوادارین ئه‌م ژماره‌یه‌ بۆ ساڵی داهاتوو به‌ ۸۰ هه‌زار که‌س بگات که‌ بۆ ئه‌م بابه‌ته‌ پێویستمان به‌ هه‌زار ملیار تمه‌ن پاره‌ هه‌یه‌.

ئه‌و زیادی کرد: هه‌روه‌ها ۱۷۸ هه‌زار که‌م ئه‌ندامان هه‌یه‌ که‌ سه‌رپه‌ره‌شتی بنه‌ماڵه‌شن که‌ هه‌وڵێکی زۆرمان داوه‌ تاکوو مووچه‌ و ده‌رماڵه‌ی ئه‌م که‌سانه‌ زیاد بکرێت. به‌ گشتی له‌ ساڵی ۹۸ی هه‌تاوی ۲۰ له‌ سه‌د یارانه‌ی که‌م ئه‌ندامه‌کان زیاد ده‌کرێت و له‌ بودجه‌ی ساڵی داهاتووش ئه‌م زیاد کردنه‌ زیاد کراوه‌.

قۆبادی دانا ئاماژه‌ی دا: تاکوو ئێسته‌ش زیاتر له‌ ۱۰۰ هه‌زار خانوومان بۆ که‌م ئه‌ندامان کردووه‌ته‌وه‌ و ۵۳ هه‌زار دیکه‌ش له‌ حاڵی دروست کردن دایه‌ و ۱۱۳ هه‌زار بنه‌ماڵه‌ی دیکه‌ش چاوه‌ڕوانی خانوو وه‌رگرتنن.

سه‌رۆکی ڕێکخراوی بێهزیستی ئێران له‌ کۆتایدا ئاماژه‌ی دا که‌ پێنج ناوه‌ندی یارمه‌تی گه‌یاندن به‌ که‌م ئه‌ندامان له‌ کوردستان ده‌کرێته‌وه‌، هه‌روه‌ها له‌ ناوچه‌ی نایسه‌ر له‌ سنه‌ ناوه‌ندێکی ئۆڕژانسی کۆمه‌ڵایه‌تی ده‌کرێته‌وه‌.

News Code 24851

نیشانەکان

بۆچوونی ئێوە

You are replying to: .
  • 3 + 5 =