مووشه‌کی ئێس ۳۰۰ له‌ سووریا که‌وتووه‌ته‌ کار

مێدیا ئیسڕائیلییه‌کان به‌ بڵاو کردنه‌وه‌ چه‌ند وێنه‌یه‌کی ئاسمانی ئاماژه‌یان داوه‌ که‌ سیستمی دژه‌ مووشه‌کی ئێس ۳۰۰ی ڕووسیا له‌ سووریا که‌وتووه‌ته‌ حاڵه‌تی ئاماده‌ باشی و کار کردن.

به‌ ڕاپۆرتی ئاژانسی مێهر له‌ هائارتز، مێدیا ئیسڕائیلییه‌کان به‌ بڵاو کردنه‌وه‌ چه‌ند وێنه‌یه‌کی ئاسمانی ئاماژه‌یان داوه‌ که‌ سیستمی دژه‌ مووشه‌کی ئێس ۳۰۰ی ڕووسیا له‌ شاری مه‌سیافی سووریا که‌وتووه‌ته‌ حاڵه‌تی ئاماده‌ باشی و کار کردن.

ئه‌م وێنانه‌ نیشانی ده‌دات که‌ ۳ بنکه‌ له‌ چاو بنکه‌ی سیستمی دژه‌ مووشه‌کی ئێس ۳۰۰ له‌ حاڵه‌تی بێ ئیشیه‌وه‌ بۆ حاڵه‌تی کار کردن و ئاماده‌باش گۆڕدراون، ئه‌مه‌ یه‌که‌م جاره‌ که‌ له‌ ساڵی ۲۰۱۸وه‌ که‌ ئه‌م سیستمه‌ له‌ سووریا جێگیر کرا، ده‌که‌ونه‌ حاڵه‌تی ئاماده‌باشی بۆ لێدانی مووشه‌که‌کان له‌ ئاسمانی سووریا.

شاره‌زایانی سه‌ربازی له‌ سه‌ر ئه‌م بڕوایه‌ن که‌ ئه‌مه‌ نیشان ده‌دات که‌ هێزی سه‌ربازی سووریا بووژاوه‌ته‌وه‌ و پێشکه‌وتنی باشی به‌ ده‌ست هێناوه‌.

به‌م حاڵه‌شه‌وه‌، به‌رپرسانی سه‌ربازی ئیسڕائیل پاگه‌نده‌یان کرد که‌ هێزی ئاسمانی ئه‌م ڕژیمه‌ ده‌توانێت له‌ حاڵه‌تی پێویست سووریا بۆردمان بکات و ئامانجه‌کانی بپێکێت.

شایانی باسه‌ که‌ ساڵی ۲۰۱۸، هێزه‌کانی سووریا له‌ کاردانه‌وه‌ به‌ هێرشێکی ئاسمانی ئیسڕائیل، فڕۆکه‌یه‌کی ڕووسیایان کرده‌ ئامانج، مسکۆ ڕایگه‌یاند که‌ به‌ مه‌به‌ستی پشتیوانی له‌ ئاسمانی سووریا سیستمی دژه‌ مووشه‌کی ئێس ۳۰۰ له‌م وڵاته‌ جێگیر ده‌که‌ن.

News Code 24839

نیشانەکان

بۆچوونی ئێوە

You are replying to: .
  • 5 + 3 =