جموجۆڵ و ده‌ركه‌وتنه‌وه‌ی داعش لە عێراق هه‌ست پێده‌كرێت

سه‌رۆك وه‌زیرانی هه‌رێمی كوردستان رایگەیاند: هەولێر و بەغدا دوژمنێكی هاوبه‌شیان هه‌یه‌، كه‌ داعشه‌ و جموجۆڵ و ده‌ركه‌وتنه‌وه‌ی داعش لە عێراق هه‌ست پێده‌كرێت.

بە ڕاپۆرتی ئاژانسی هەواڵی مێهر، نێچیرڤان بارزانی ئەمڕۆ له‌ كۆنگره‌یه‌كی رۆژنامه‌وانیدا لە هەولێر وتی: هه‌موو هه‌وڵێكیان داوه‌ بۆ ئه‌وه‌ی كێشه‌كان له‌گه‌ڵ به‌غدا له‌ چوارچێوه‌ی ده‌ستوور چاره‌سه‌ر بكرێن و هه‌نگاوی باش نراون.

وتیشی: "هه‌نگاوی باشمان بڕیوه‌، كۆبوونه‌وه‌كان له‌گه‌ڵ به‌غدا به‌رده‌وامه‌، هه‌ردوولا دوژمنێكی هاوبه‌شمان هه‌یه‌، كه‌ داعشه‌ و جموجۆڵ و ده‌ركه‌وتنه‌وه‌ی داعش هه‌ست پێده‌كرێت، به‌ڵام هه‌ماهه‌نگی باش له‌ نێوان هه‌رێمی كوردستان و به‌غدا هه‌یه‌".

لەبارەی کێشەکانی هەولێر و بەغدا، نێچیرڤان بارزانی ڕایگەیاند: "كێشه‌كانی هه‌ولێر و به‌غدا زۆرن، به‌ڵام ئه‌گه‌ر ئه‌وه‌ی ئێستا به‌راورد بكرێت به‌ساڵانی رابردوو باشتره‌، ره‌نگه‌ وه‌ڵامی هه‌موو داخوازییه‌كان نه‌داته‌وه‌، به‌ڵام باشتره‌".

دووپاتی له‌وه‌كرده‌وه‌، نه‌هێشتنی سیستمی پاشه‌كه‌وت ئه‌ركی سه‌ره‌كییه‌ و وتی: "نامه‌وێ ته‌وه‌قوعی خه‌ڵك زیاتر به‌رزبكه‌مه‌وه‌ ئه‌گه‌ر دڵنیابین و جێبه‌جێ بكرێن بێگومان کارمان هه‌ڵگرتنی پاشه‌كه‌وت ده‌بێت".

هەروەها، لەبارەی رووداوه‌كانی شێلادزێ، رایگه‌یاند:" لێره‌دا هاوخه‌می و هاوسۆزی خۆم بۆ بریندار و ئه‌و قوربانییه‌ ده‌رببڕم و ئه‌وه‌ی روویدا شتێكی زۆر ناخۆش بوو."

جەختیشی کرد: "حكوومه‌تی هه‌رێمی كوردستان نایه‌وێت خاكی هه‌رێمی كوردستان بۆ دژایه‌تیكردن و هێرشكردنه‌ سه‌ر وڵاتانی دراوسێ به‌كاربهێنرێت".

روونیشکردەوە: "ئه‌وه‌ی رووده‌دات هۆكاره‌كه‌ی ئه‌وه‌یه‌ هه‌ندێك حزب له‌ ناو خاكی هه‌رێمه‌وه‌ ده‌یكه‌ن و هێرش ده‌كه‌نه‌ سه‌ر وڵاتانی دراوسێ، لیژنە بۆ لێکۆڵینەوە پێکهاتووە".

News Code 24632

نیشانەکان

بۆچوونی ئێوە

You are replying to: .
  • 3 + 5 =