دیمەشق پابەندە بە ڕێککەوتنی ئەزنە ئەگەر تورکیا لە باکوور بکێشێتەوە

وەزارەتی دەرەوەی سووریا لە پابەندبوونی دیمەشق بە ڕیککەوتنی ئەزنە لە ئەگەری بردنە دەرەوەی سەربازانی تورکیا لە سووریا و کۆتایی هێنان بە پاڵپشتیی دارایی و چەک و چۆڵی ئەنقەرە لە تیرۆریستان، هەواڵی دا.

بە ڕاپۆرتی ئاژانسی هەواڵی مێهر بە گێڕانەوە لە سانا، وەزارەتی دەرەوەی سووریا ڕایگەیاند کە دیمەشق پابەندە بە ڕێککەوتنی ئەزنە و ڕیککەوتننامەکانی دیکەی هاوپەیوەند بە شەڕی دژی تیرۆریزم لە نێوان تورکیا و سووریا.

ڕاشگەیێندراوە:  تورکیا لە ساڵی ٢٠١١ەوە تا ئێستا ئەو ڕێککەوتنەی لە رێگەی پاڵپشتی لە تیرۆریزم و پاڵپشتیی دارایی لە تیرۆریستان و ڕاهێنانیان و ڕێخۆشکردن بۆ چوونیان بە سووریا بە یارمەتی گرووپگەلی تیرۆریستیی سەر بە ئەنقەرە یان لە رێگەی هێزی چەکداریی تورکیا بە شێوەی ڕاستەوخۆ پێشێل کردووە و دەیکات.

وەزارەتی دەرەوەی سووریا ئاماژەی بەوەش دا کە دیمەشق لای وایە چالاک کردنەوەی ئەو ڕێککەوتنە دەبێ لە رێگەی گەڕانەوەی دۆخی سنوورەکانی دوو وڵات وەک دۆخی ڕابردووی ئەنجام بدرێت و هاوکات دەوڵەتی تورکیا بە ڕێککەوتنەکان پابەند بێت و پاڵپشتیی ماڵی و چەک و چۆڵ و ڕاهێنانی لە تیرۆریستان بوەستێنێت و سەربازانی لە ناوچە جۆراوجۆرەکانی سووریا بباتە دەرێ و ئەمانە پێشمەرجی گەیشتنەوە بە ڕیککەوتنەکانی نێوان دوو وڵاتە؛ ڕێککەوتنێک کە ئاسایش و تەندروستیی سنوورەکانی هەر دوو وڵات دەستەبەر دەکات.

News Code 24609

نیشانەکان

بۆچوونی ئێوە

You are replying to: .
  • 3 + 9 =