تاقه‌تی تورکیا سنووری هه‌یه‌/خۆمان ناوچه‌ی ئارام له‌ سووریا ساز ده‌که‌ین

سه‌رۆک کۆماری تورکیا ڕایگه‌یاند که‌ چاوه‌ڕوه‌انین له‌ چه‌ند مانگی داهاتوودا ناوچه‌ی ئه‌من له‌ باکووری سووریا ساز بکرێت.

به ڕاپۆرتی ئاژانسی مێهر له‌ یه‌نی شه‌فه‌ق، ڕه‌جه‌ب ته‌یب ئه‌ردۆغان، سه‌رۆک کۆماری تورکیا له‌ میانه‌ی قسه‌کانی خۆی له‌ شاری ئه‌رزه‌رۆم سه‌باره‌ت به‌ ڤێنزۆئێلا وتی: دژی کوده‌تام چ له‌ میسر بێت چ له‌ ڤێنزۆئێلا. گرنگ ئه‌وه‌یه‌ ده‌نگه‌کانی ناو سه‌ندووقه‌کان کێ هه‌ڵده‌بژێرن.

ئه‌و سه‌باره‌ت به‌ سووریا وتی: بابه‌تی ئه‌دله‌ب به‌ هاوڕێی هاوپه‌یمانه‌کانی به‌ ئه‌نجام گه‌یشتووه‌. ئێمه‌ ده‌مانه‌وێت شه‌ڕی گرووپه‌ تیرۆریستییه‌کانی وه‌ک داعش له‌ ڕۆژهه‌ڵاتی فورات بکه‌ین نه‌ک خه‌لکی سووریا.

سه‌رۆک کۆماری تورکیا وتیشی: تاقه‌تی ئێمه‌ سنووری هه‌یه‌ و ناتوانین چاوه‌ڕوانی بڕێک به‌ڵێنی بێ ئه‌نجام بین.

ئه‌ردۆغان جارێکی دیکه‌ جه‌ختی کرد که‌ ڕێگه‌ ناده‌ن کوردی سووریا له‌ سنووره‌کانی تورکیا جێگیر بێت، ئه‌و وتی: لام وایه‌ تاکوو چه‌ند مانگی دیکه‌ ناوچه‌ی ئارام له‌ باکووری سووریا ساز ده‌بێت، ئه‌گه‌رنا خۆمان ده‌ست به‌ کار ده‌بین، چون تورکیا ده‌بێت کۆنترۆڵی ئه‌م ناوچه‌یه‌ له‌ ده‌ست بگرێت و ئاماده‌ش نییه‌ هیچ پێشنیارێکی دیکه‌ قبوڵ بکات.

ئه‌ردۆغان پاگه‌نده‌ی کرد: لام وایه‌ که‌ جیهان نایه‌وێت ناوچه‌ی ئه‌من له‌ باکووری سووریا ساز بکات، هه‌ر بۆیه‌ تورکیا خۆی ئه‌م کاره‌ ده‌کات و ئاماده‌شه‌ تێچووی ئه‌م کاره‌ بدات.

شایانی باسه‌ که‌ ده‌وڵه‌تی تورکیا بێ هیچ مۆڵه‌تێک وەرگرتنێک له‌ دیمەشق و به‌ پێچه‌وانه‌ی یاسا نێوده‌وڵه‌تییه‌کان به‌شێک له‌ باکووری سووریای داگیر کردووه‌.

News Code 24599

نیشانەکان

بۆچوونی ئێوە

You are replying to: .
  • 5 + 7 =