ئه‌گه‌ری هێرشی مووشه‌کی سووریا بۆ سه‌ر فڕۆکه‌خانه‌کانی تلاڤیڤ

نوێنه‌ری سووریا له‌ نه‌ته‌وه‌ یه‌کگرتووه‌کان ڕایگه‌یاند که‌ ئه‌گه‌ری هێرشی مووشه‌کی سووریا بۆ سه‌ر فڕۆکه‌خانه‌کانی تلاڤیڤ له‌ ئارادایه‌.

به‌ ڕاپۆرتی ئاژانسی مێهر له‌ سپۆنتیک، نوێنه‌ری سووریا له‌ نه‌ته‌وه‌ یه‌کگرتووه‌کان له‌ میانه‌ی قسه‌کانی ئاماژه‌ی دا که‌ ڕه‌نگه‌ دیمه‌شق له‌ وڵامی ئیسڕائیل هێرش بکاته‌ سه‌ر فڕۆکه‌خانه‌کانی تلاڤیڤ.

ئه‌و زیادی کرد: ئێسته‌ کاتی ئه‌وه‌ هاتووه‌ که‌ ئه‌نجومه‌نی ئاسایشی نه‌ته‌وه‌ یه‌کگرتووه‌کان بۆ ڕاگرتنی هێرشه‌کانی ئیسڕائیل بۆ سه‌ر خاکی سووریا هه‌نگاو هه‌ڵبگرێت.

جه‌عفه‌ری وتی: ئه‌گه‌ر وانه‌بێت دیمه‌شق ڕه‌نگه‌ وڵامی ئیسڕائیل بداته‌وه‌ و هێرش بکاته‌ سه‌ر فڕۆکه‌خانه‌کانی تلاڤیڤ و به‌رگری له‌ خۆی بکات.

شایانی باسه‌ که‌ پێشتر زایۆنییه‌کان ئاماژه‌یان دا بوو که‌ هێرشیان کردووه‌ته‌ سه‌ر کۆگایه‌کی چه‌کی ئێران له‌ خاکی سووریا له‌ دیمه‌شق.

هه‌روه‌ها ده‌نی دانۆن، نوێنه‌ری ئیسڕائیل له‌ نه‌ته‌وه‌ یه‌کگرتووه‌کان ئاماژه‌ی دابوو که‌ سه‌ره‌ڕای کشانه‌وه‌ی ئه‌مریکا له‌ سووریا، تلاڤیڤ به‌رده‌وام ده‌بێت له‌ ڕووبه‌ڕوو بووه‌نه‌وه‌ی هێزه‌کانی سه‌ر به‌ ئێران له‌م وڵاته‌.

News Code 24528

نیشانەکان

بۆچوونی ئێوە

You are replying to: .
  • 1 + 3 =