ئامانجی ئێمه‌ له‌ ئه‌دله‌ب نه‌گۆڕدراوه‌

وته‌بێژی سه‌رۆک کۆماری تورکیا بێ ئه‌وه‌ی ئاماژه‌ی به‌ نایاسایی بوونی هێزه‌کانی ئه‌م وڵاته‌ له‌ خاکی سووریا بکات، پاگه‌نده‌ی کرد: ئامانجی ئێمه‌ له‌ ئه‌دله‌ب نه‌گۆڕدراوه‌.

به ڕاپۆرتی ئاژانسی مێهر له‌ ئاناتۆلی، ئیبراهیم کالین، وته‌بێژی سه‌رۆک کۆماری تورکیا ئه‌مڕۆ سێ سه‌مه‌ ڕایگه‌یاند: شه‌ڕی دژ به‌ تیرۆر ئامانجی سه‌ره‌کی تورکیایه‌. ئامانجی ئێمه‌ له‌ ئه‌دله‌ب تاکوو ئێسته‌ش نه‌گۆڕدراوه‌، ئامانجی ئێمه‌ دابین کردنی ئه‌منیه‌ت و سه‌قامگری بۆ گیان و ماڵی خه‌ڵکی سووریایه‌!

وته‌بێژی سه‌رۆک کۆماری تورکیا بی ئه‌وه‌ی ئاماژه‌ی به‌ نایاسایی بوونی هێزه‌کانی ئه‌م وڵاته‌ له‌ خاکی سووریا بکات، زیادی کرد: ڕه‌جه‌ب ته‌یب ئه‌ردۆغان ۳ ڕێبه‌ندان سه‌ردانی ڕووسیا ده‌کات و له‌گه‌ڵ پووتین کۆده‌بێته‌وه‌. تورکیا به‌ هه‌موو هێزی خۆیه‌وه‌ که‌ بریتییه‌ له‌ سیاسه‌تی نه‌رم و سه‌خت له‌ ساحه‌که‌ دایه‌ و ئاماده‌ش نییه‌ بکشێته‌وه‌.

کالین هه‌روه‌ها وتی: کۆنترۆڵی ناوچه‌ی ئه‌من له‌ سووریا له‌ ژێر ده‌ستی تورکیا ده‌بێت که‌ بڕیار وایه‌ ساز بکرێت. ئێمه‌ هه‌ڕه‌شه‌ ئابوورییه‌کانی ئه‌مریکامان پشت گوێ خستووه‌ و ئێسته‌ ئامانجی نوێمان دابین کردووه‌ و به‌رده‌وامیش ده‌بین له‌ چالاکی ئه‌رێنی له‌م ڕووه‌وه‌.

وته‌بێژی سه‌رۆک کۆماری تورکیا درێژه‌ی دا: ئێمه‌ هیچ مه‌رجێک بۆ کڕێنی ئێس ۴۰۰ و مووشه‌کی پاتریۆت قبووڵ ناکه‌ین، لێژنه‌ی ئه‌مریکا هه‌فته‌ی ڕابردوو گه‌ڵاڵه‌یه‌کی ۵ خاڵی پێشکه‌ش کرد که‌ تێیدا ئاماژه‌ی به‌ کشانه‌وه‌ی هێزه‌کانی ئه‌م وڵاته‌ له‌ سووریا ده‌کات. 

ئه‌و سه‌باره‌ت به‌ سه‌ردانی ئه‌ردۆغان بۆ ڕووسیا وتی: ئه‌م دیداره‌ له‌گه‌ڵ پووتین بۆ هه‌ماهه‌نگی له‌گه‌ڵ ڕووسیایه‌ بۆ کاتی کشانه‌وه‌ی ئه‌مریکا له‌ سووریا. هه‌روه‌ها هه‌موو په‌یوه‌ندییه‌کانی هه‌ر دوو لا له‌م سه‌ردانه‌ تاوتوێ ده‌کرێت.

News Code 24370

نیشانەکان

بۆچوونی ئێوە

You are replying to: .
  • 1 + 1 =