هه‌وڵ ده‌درێت سنه‌ وه‌ک شاری داهێنه‌ری مۆسیقا تۆمار بکرێت

شاره‌داری سنه‌ ڕایگه‌یاند که‌ به‌ زوویی کۆبوونه‌وه‌یه‌ک به‌ به‌شداری به‌رپرسانی یۆنسکۆ به‌ڕێوه‌ ده‌چێت تاکوو پرسی جیهانی بوونی سنه‌ تێیدا بورژێت.

به‌ ڕاپۆرتی ئاژانسی مێهر، حسمه‌تۆڵا سه‌یدی، شاره‌داری سنه‌ ڕایگه‌یاند: به‌ زوویی کۆبوونه‌وه‌یه‌ک له‌گه‌ڵ به‌رپرسی یۆنسکۆی ئێران و جێگرانی ڕێکخراوی جیهانی یۆنسکۆ به‌رێوه‌ ده‌به‌ین و له‌م کۆبوونه‌وه‌ هه‌وڵ ده‌ده‌ین سنه‌ وه‌ک شاری داهێنه‌ری مۆسیقا له‌ جیهان تۆمار بکرێت.

ئه‌و زیادی کرد: پارێزگای کوردستان به‌رده‌وام شوێنی هه‌میشه‌یی هونه‌رمه‌ندا بووه‌ و ناوی له‌م بواره‌دا دره‌وشاوه‌ته‌وه‌. یه‌کێک له‌و هونه‌رانه‌ که‌ کوردستان به‌ڕاستی تێیدا جیهانی بووه‌ته‌وه‌ هونه‌ری مۆسیقایه‌. 

سه‌یدی ئاماژه‌ی دا: چالاکی هه‌زاران که‌س له‌ سنه‌ له‌ بواری مۆسیقا بووه‌ته‌ هۆی ئه‌وه‌ی که‌ هه‌وڵ بده‌ین تاکوو سنه‌ وه‌ک شاری داهێنه‌ری مۆسیقا له‌ ئێران تۆمار بکرێت و له‌ ڕووی جهانییشه‌وه‌ له‌ سه‌ر ئه‌م بابه‌ته‌ ئیش بکه‌ین.

شاره‌داری سنه‌ وتی: بۆ ئه‌وه‌ی ئه‌م کاره‌ به‌ره‌و پێش بچێت سه‌باره‌ت به‌ داهێنه‌ریی مۆسیقا له‌ شاری سنه‌ چه‌ندین کاری لێکۆڵینه‌وه‌مان له‌گه‌ڵ لایه‌نه‌ په‌یوه‌ندیداره‌کان ئه‌نجام داوه‌ و له‌م کاره‌ش به‌رده‌وام ده‌بین و هیوادارین به‌ ئه‌نجامێکی باش بگه‌ین. ئه‌م هه‌نگاوه‌ ده‌توانێت کاریگه‌ری زۆری له‌ سه‌ر بواری ئابووری ناوچه‌که‌ش هه‌بێت.

News Code 24315

نیشانەکان

بۆچوونی ئێوە

You are replying to: .
  • 1 + 12 =