ناتوانین کشانه‌وه‌ی ئه‌مریکا له‌ سووریا پشت ڕاست بکه‌ینه‌وه‌

وته‌بێژی وه‌زاره‌تی ده‌ره‌وه‌ی ڕووسیا ڕایگه‌یاند: ناتوانین کشانه‌وه‌ی ئه‌مریکا له‌ سووریا پشت ڕاست بکه‌ینه‌وه‌.

به ڕاپۆرتی ئاژانسی مێهر له‌ ڕۆیترز، ماریا زاخارۆڤا، وته‌بێژی وه‌زاره‌تی ده‌ره‌وه‌ی ڕووسیا ئه‌مڕۆ هه‌ینی ڕایگه‌یاند: ناوچه‌گه‌لێک له‌ سووریا که‌ هێزه‌ ئه‌مریکاییه‌کانی لێ ده‌کشێنه‌وه‌، ده‌بێت له‌ کۆتایدا ڕاده‌ستی ده‌وڵه‌تی ناوه‌ندی بکرێت و بۆ ئه‌م مه‌به‌سته‌ش دانوستانه‌کان له‌ نێوان کورده‌کان و ده‌وڵه‌تی سووریا درێژه‌ی هه‌یه‌.

ئه‌و زیادی کرد: کورده‌کان به‌شێکی گرنگ له‌ کۆمه‌ڵگای سووریان. هه‌ڵبه‌ت ئه‌و ڕێگه‌ی ئه‌مریکا بۆ کشانه‌وه‌ له‌ سووریا له‌ به‌ری گرتووه‌ زیاتر له‌وه‌ ده‌چێت که‌ بیه‌وێت له‌ سووریا بمێنێته‌وه‌.

زاخارۆڤا وتی: کشانه‌وه‌ی هێزه‌کانی ئه‌مریکا له‌ سووریا بۆ ئێمه‌ هێشتا جێگه‌ی گومانه‌ و ئێمه‌ ناتوانین ڕاپۆرته‌کانی کشانه‌وه‌ی ئه‌مریکا له‌ سووریا پشت ڕاست بکه‌ینه‌وه‌.

ئه‌مه‌ له‌ حاڵێک دایه‌ که‌ شان ڕایان، وته‌بێژی هاوپه‌یمانی نێونه‌ته‌وه‌یی دژه‌ داعش ڕایگه‌یاند که‌ کشانه‌وه‌ی هێزه‌کانی ئه‌مریکا له‌ سووریا ده‌ستی پێ کردووه‌.

ئه‌و هیچ ئاماژه‌یه‌کی به‌ شوێن و کاتی کشانه‌وه‌ی هێزه‌کانی ئه‌مریکا نه‌کردووه‌.

News Code 24249

نیشانەکان

بۆچوونی ئێوە

You are replying to: .
  • 6 + 11 =