کتێبی "کورده‌کان و ئاخێزگەکانیان " له‌ چاپ درا

کتێبی "کورده‌کان و ئاخێزگەکانیان" له‌ نووسینی گارنیک ئاساتوریان به‌ وه‌رگێڕانی سه‌نعان سدیقی له‌ لایه‌ن بڵاڤگه‌ی فه‌رهامه‌ له‌ تاران بڵاو کرایه‌وه‌.

به ڕاپۆرتی ئاژانسی مێهر، کتێبی "کورده‌کان و سه‌رچاوه‌کانی ئه‌وان" له‌ نووسینی گارنیک ئاساتوریان به‌ وه‌رگێڕانی سه‌نعان سدیقی له‌ لایه‌ن بڵاڤگه‌ی فه‌رهامه‌ له‌ تاران بڵاو کرایه‌وه‌.

ئه‌م کتێبه‌ به‌ ئینگلیزی له‌ ژێر ناوی Prolegomena to the study of the Kurds و له‌ ساڵی ۲۰۰۹ له‌ چاپ دراوه‌.

ئاساتوریان یه‌کێکه‌ له‌ به‌ناوبانگ ترین کوردناسی ئه‌م سه‌رده‌مه‌ که‌ کاری زۆر وردی له‌ سه‌ر کۆمه‌ڵگای کوردی له‌ ئێستا و ڕابردوودا کردووه‌. پێشتر ئه‌م نووسره‌ کتێبێکی به‌ ناوی "مه‌له‌ک تاوس، ئێزدییه‌کان و جیهانی ڕۆحانی ئه‌وان" له‌ چاپ دابوو.

له‌م کتێبه‌دا نووسه‌ر هه‌موو خوێندنه‌وه‌کانی له‌ مێژووی کوردستان و نیشتمانه‌که‌یانی خستووه‌ته‌ به‌رده‌ست و به‌ یه‌کێک له‌ کتێبه‌ ئاکادمییه‌کان بۆ ناسی کورد ده‌ناسرێت.

له‌م کتێبه‌دا ئاماژه‌ به‌وه‌ ده‌کرێت که‌ تاکوو به‌ر له‌ هاتنی ئیسلام بۆ ناوچه‌که‌ که‌مینه‌کانی وه‌ک کورد و به‌لوچ له‌ فه‌لاتی ئێراندا وه‌ک زاراوه‌یه‌کی ئێرانی قسه‌یان ده‌کرد، به‌ڵام دوای هاتنی ئیسلام ئه‌م که‌مینانه‌ به‌ره‌و ساز کردنی که‌لتور و زمان و نه‌ریتێکی سه‌ربه‌خۆ هه‌نگاویان ناوه‌.

یه‌کێک له‌ ڕه‌خنه‌کانی نووسه‌ر له‌م کتێبه‌ ئه‌وه‌یه‌ که‌ کوردناسی به‌ ڕاده‌یه‌کی زۆر زیانبار به‌ سیاسی کراوه‌ و ئه‌مه‌ بووه‌ته‌ هۆی ئه‌وه‌ که‌ کاری ئاکادمیک کردن له‌ سه‌ر شوناسی کورد زۆر ئه‌سته‌م بێت.

کتێبی "کورده‌کان و سه‌رچاوه‌کانی ئه‌وان" له‌ هه‌شت به‌ش پێکهاتووه‌ که‌ بریتییه‌ له‌: زمان، ئه‌ده‌بیات، مه‌زهه‌ب، کوردستان نیشتمانێکی خه‌یاڵی؟، ناوی قه‌ومه‌ کوردییه‌کان، بنه‌مای سه‌ره‌کی کورده‌کان، بنه‌مای نژادی کورد، کۆچ کردن بۆ باکوور و له‌ دایک بوونی واقعێکی نوێی کۆمه‌ڵایه‌تی و ئێنیکی له‌ ناوچه‌که‌ به‌ زمانی تایبه‌ت به‌ خۆیان به‌ پێی به‌ڵگه‌ مێژووییه‌کان.

News Code 24230

نیشانەکان

بۆچوونی ئێوە

You are replying to: .
  • 2 + 9 =