هه‌زارکانیان ساردترین شوێنی ئێران/ سەرما و سۆڵە لە کوردستان بەردەوام دەبێت

هاوکات له‌گه‌ڵ بارینی به‌فر له‌ کوردستان پله‌ی گه‌رما دابه‌زیوه‌ و هه‌زارکانیانی دیوانده‌ره‌ ساردترین شوێنی ئێران بووه‌.

به‌ ڕاپۆرتی ئاژانسی مێهر له‌ ئیداره‌ی که‌شناسی کوردستان، شه‌پۆلی نوێی به‌فر بارین له‌ کوردستان له‌ دوێنێوه‌ ده‌ستی پێ کردووه‌ و تاکوو ئێسته‌ش له‌ چه‌ند ناوچه‌یه‌ک درێژه‌ی هه‌یه‌.

له‌گه‌ڵ به‌بفر بارین پله‌ی گه‌رماش به‌ ئاستێکی به‌رچاو دابه‌زیوه‌ و هه‌زارکانیان به‌ ۱۴ خاڵ ژێر سفر ساردترین ناوچه‌ی ئێران له‌ ۲۴ کاتژمێری ڕابردوودا بووه‌.

دابه‌زینی پله‌ی گه‌رما بووه‌ته‌ هۆی ئه‌وه‌ی شه‌قام و جاده‌کان یه‌خ و یه‌خبه‌نان بن و هات و چوو کردنی ئۆتۆمبیله‌کان به‌ سه‌ختی ئه‌نجام ببێت. 

هه‌روها ئاسمانی وڵاتی عێراق به‌ ته‌پوتۆز داگیراوه‌ و به‌ره‌و ئێرانیش دێت و ڕه‌نگه‌ ئاسمانی شاره‌ کوردییه‌کانیش بگرێته‌وه‌.

بێ پێی ئاماره‌کانی ئیداره‌ی که‌شناسی کوردستان حه‌فته‌ی داهاتووش شه‌پۆلێکی بارین ئاسمانی شاره‌ کوردییه‌کان ده‌گرێته‌وه‌ و ئه‌گه‌ری دابه‌زینی پله‌ گرماش هه‌یه‌.

شایانی باسه‌ که‌ پۆلیسی جاده‌ و بانه‌ی پارێزگای کوردستان ڕایگه‌یاندووه‌ که‌ خه‌ڵک له‌ هات و چوو له‌ جاده‌کان خۆیان بپارێزن ئه‌گه‌ر کاری به‌ په‌له‌یان نییه‌.

News Code 24224

نیشانەکان

بۆچوونی ئێوە

You are replying to: .
  • 1 + 13 =