بوومەلەرزەی ۶ڕیشتەری سنووری ئێران و هەرێمی کوردستانی هەژاند

بوومەلەرزەیەک بە گوڕی ۶ ڕیشتەر ناوچەکانی ڕۆژاوای ئێران و هەرێمی کوردستان و عێراقی هەژاند.

بە ڕاپۆرتی ئاژانسی هەواڵی مێهر،کاتژمێر ٤ و ٤٢ خولەکی ئێوارەی ئەمڕۆ بوومەلەرزەیەک بە گوڕی ٦ پلە بەپێوەری ریشتەر سنوورەکانی ڕۆژئاوای ئێران بە تایبەت کرماشان و هەرێمی هەژاند و لە بەغدا و ناوچە جیاجیاکانی عێراق هەستی پێکراوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، بوومەلەرزەکە بە قوڵی ١٠ کیلۆمەتر لە ژێر زەوی روویداوە.

ئاماژەی بەوەشکردووە کە دوای ئەو بوومەلەرزەیە چەند پاشلەرزەیەک لە هەمان ئەو ناوچانە و لە ٢٥ کیلۆمەتری شاری خانەقین روویانداوە.

 چەقی بوومەلەرزەکە شاری گیلان غەرب-ی سەر بە پارێزگای کرماشان بووە و لە زۆربەی شارەکانی ڕۆژاوای ئێرانیش هەستی پێکراوە.

ئاماژەیان بەوەشکردووە، تا ئێستا زیانەکانی بوومەلەرزەکە نەزانراوە بەڵام خەڵکی شارەکانی ئیسلام ئاباد و سەرپێڵی زەهاو و کرماشان لە ماڵەکانیان چوونەتەدەرەوە.

News Code 24140

نیشانەکان

بۆچوونی ئێوە

You are replying to: .
  • 2 + 13 =