یه‌که‌م گرووپی سه‌ربازی ئه‌مریکا له‌ سووریاوه‌ به‌ره‌و عێراق کشانه‌وه‌

کاناڵی مه‌یادین له‌ زاری سەرچاوه‌ ئاگاداره‌کان ڕایاگه‌یاند که‌ یه‌که‌م گرووپی سه‌ربازی له‌ خاکی سووریاوه‌ و به‌ره‌و بنکه‌یه‌کی سه‌ربازی له‌ هه‌رێمی کوردستان کشاونه‌ته‌وه‌.

به ڕاپۆرتی ئاژانسی مێهر، کاناڵی مه‌یادین دوێنێ شه‌و له‌ زاری سه‌رچاوه‌ ئاگاداره‌کان ڕایگه‌یاند که‌ یه‌که‌م گرووپی سه‌ربازی ئه‌مریکا له‌ سووریاوه‌ به‌ره‌و عێراق چوون.

به‌ پێی ئه‌م ڕاپۆرته‌، ئه‌م سه‌رچاوه‌ ئاگاداره‌کان ئاماژه‌یان داوه‌ که‌ ئه‌م کاروانه‌ سه‌ربازییه‌ی ئه‌مریکا ۱۲۰ ئۆتۆمبێل سه‌ربازی بووه‌ که‌ بۆ بنکه‌یه‌کی سه‌ربازی له‌ نزیک هه‌رێمی کوردستان گوازراونه‌ته‌وه‌.

ئه‌م سه‌رچاوانه‌ جه‌ختیان کردووه‌ که‌ هێزه‌کانی ئه‌مریکا له‌ سووریا کشاونه‌ته‌وه‌ له‌م بنکه‌ سه‌ربازییه‌ش بۆ ماوه‌یه‌کی کاتی سوود ده‌به‌ن و هه‌رگیز له‌ عێراق نامێننه‌وه‌ و ڕاپۆرته‌کان که‌ باسی ئه‌وه‌ ده‌که‌ن هێزه‌کانی ئه‌مریکا له‌ ڕۆژئاوای ئه‌نبار جێگیر ده‌بن دوورن له‌ ڕاستی.

شایانی باسه‌ که‌ سه‌رۆک کۆماری ئه‌مریکا ماوه‌یه‌ک به‌ر له‌ ئێستا و له‌ میانه‌ی فه‌رمانێک له‌ ناکاو ڕایگه‌یاند که‌ هه‌موو هێزه‌ سه‌ربازییه‌کانی ئه‌مریکا له‌ سووریا ده‌کشێنێته‌وه‌.

News Code 24023

نیشانەکان

بۆچوونی ئێوە

You are replying to: .
  • 2 + 0 =