به‌رانبه‌ر جه‌نایه‌تی زایۆنییه‌کان دەستەوسان نابین

گرووپه‌ خۆڕاگرییه‌کانی فه‌له‌ستین هۆشداریان به‌ ئیسڕائیل دا که‌ به‌ ئه‌نقه‌ست خه‌ڵکی ئاسایی له‌ خۆپیشاندانه‌کان ده‌کاته‌ ئامانج و وڵامیان ده‌ده‌نه‌وه‌.

به ڕاپۆرتی ئاژانسی مێهر له‌ سپۆنتیک، گرووپه‌ خۆڕاگییه‌کانی فه‌له‌ستین هۆشداریان به‌ ئیسڕائیل دا که‌ ئاماده‌ن تاکوو به‌ هه‌موو هێزیانه‌وه‌ وڵامی جه‌نایه‌ته‌کانیان له‌ دژی خۆپیشانده‌ران بده‌نه‌وه‌.

له‌م ڕاگه‌یه‌ندراوه‌ هاوبه‌شه‌ی حه‌ماس و جه‌هادی ئیسلامی هاتووه‌: ئێمه‌ ئاماده‌ین تاکوو وڵامی تووند و به‌ په‌له‌ی جه‌نایه‌ته‌کانیان له‌ دژی خۆپیشانده‌ران بده‌ینه‌وه‌. هه‌ینی داهاتوو گرنگه‌ له‌ هه‌ڵسه‌نگاندنی ڕه‌فتار و کردانی دوژمنی زایۆنی.

هه‌روه‌ها ئاماژه‌یان داوه‌: دوژمنی ترسه‌نۆک جه‌نایه‌تی نوێی کردووه‌ و ئه‌وان به‌ نه‌قه‌ست خۆپیشاندانه‌ بێ ده‌مارگرژییه‌کانیان کردووه‌ته‌ ئامانج و چوار فه‌له‌ستینیان کوشتووه‌ و ده‌یانی دیکه‌شیان بریندار کردووه‌.

له‌ ڕاگه‌یه‌ندراوه‌که‌ هاتووه‌: دوای لێکۆڵینه‌وه‌ی ورد تێگه‌یشتین که‌ ئه‌و که‌سانه‌ی شه‌هید بوون له‌ ۳۰۰ و ۶۰۰ مه‌تریەوە ته‌قه‌یان لێکراوه‌ و هه‌روه‌ها بریندار بووه‌کان که‌ به‌ ڕوونی به‌ ئه‌نقه‌ست بوونی کاره‌که‌ ده‌ر ده‌خات.

حه‌ماس و جه‌هادی ئیسلامی جه‌ختیان کردووه‌: ئه‌م جه‌نایه‌تانه‌ هێڵی سووری ئێمه‌یه‌ و ناتوانین له‌ به‌رچاوی نه‌گرین و ده‌ست به‌ستراو بوه‌ستین. ڕۆژی هه‌ینی داهاتوو چاره‌نووسازه‌ و گه‌ر ئیسڕائیل دیسان جه‌نایه‌تی وه‌ها بکات به‌ هه‌موو هێزمانه‌وه‌ وڵام ده‌ده‌ینه‌وه‌.

News Code 23851

نیشانەکان

بۆچوونی ئێوە

You are replying to: .
  • 4 + 12 =