نتانیاهۆ: ئه‌ردۆغان شێت و دیکتاتۆره‌

سه‌رۆک وه‌زیرانی ئیسڕائیل ڕوو له‌ سه‌رۆک کۆماری تورکیا وتی: ئه‌ردۆغان شێت و دێکتاتۆره‌.

به ڕاپۆرتی ئاژانسی مێهر له‌ جورازلم پۆست، بنیامین نتانیاهۆ، سه‌رۆک وه‌زیرانی ڕژیمی زایۆنی ڕوو له‌ ڕه‌جه‌ب ته‌یب ئه‌رۆدغان، سه‌رۆک کۆماری تورکیا وتی: ئه‌ردۆغان شێته‌ و دیکتاتۆرێکی دژه‌ یه‌هووده‌ که‌ گرێی ده‌روونی دژ به‌ ئیسڕائیلی هه‌یه‌.

ئه‌م شه‌ڕه‌ قسه‌ی نێوان ئه‌ردۆغان و نتانیاهۆ کاتێک خه‌ست بوویه‌وه‌ که‌ سه‌رۆک وه‌زیرانی ئیسڕائیل وتی: ئه‌ردۆغان، داگیرکاری قوبرسی باکووره‌ که‌ سوپاکه‌ی ژن و منداڵان له‌ گونده‌ کوردییه‌کان له‌ ناوخۆ و ده‌ره‌وه‌ی تورکیا کوشتار ده‌کات، ئه‌و ناتوانێت وانه‌ی ئه‌خلاقی به‌ ئیسڕائیل بدات.

ئه‌ردۆغانیش له‌ کاردانه‌وه‌ به‌م قسانه‌ وتی: نتانیاهۆ ئه‌م جاره‌یان دات به‌ لاڕێدا، تۆ ده‌نگی سته‌مکارانی. تاکوو ئه‌و کاته‌ی ئیسڕائیل به‌ هۆی جه‌نایه‌ت له‌ دژی مرۆڤایه‌تی سزا نه‌درێت، مافی ئه‌وه‌ی نییه‌ که‌س به‌ جه‌نایه‌ت تاوانبار بکات. سه‌ربازه‌کانی ئێوه‌ ژنان و منداڵان له‌قه‌ کوت ده‌که‌ن، تۆ سته‌نکاری و له‌ لووتکه‌ی ده‌وڵه‌تی تیرۆر دای. نتانیاهۆ له‌ پشتیوانییه‌کانی فلستینییه‌کان تووڕه‌یه‌ و قسه‌ی ناشرینی به‌رانبه‌ر تورکیا کرد. تۆمه‌ت بڵاو ده‌کاته‌وه‌ و تورکیا به‌ داگیر کردنی قوبرس و کوشتنی ژن و منداڵ تۆمه‌تبار ده‌کات. لام وایه‌ ئیسڕائیل هه‌ڵه‌ی زمانی کردووه‌، ڕه‌نگه‌ ویستوویه‌تی بڵێت خۆیان داگیر که‌رن و له‌ به‌رده‌م جیهان ژن و منداڵان ده‌کوژن.

News Code 23843

نیشانەکان

بۆچوونی ئێوە

You are replying to: .
  • 7 + 4 =