به‌فر شاخه‌کانی کوردستانی داگرت /پێش بینی دابه‌زینی پله‌ی گه‌رما

دوای هاتنی شه‌پۆلێکی نوێی باران و به‌فر، شاخه‌کانی شاره‌ کوردییه‌کان سپی پۆش بووه‌ و هات و چوو کردن له‌ مله‌کان به‌ سه‌ختی ئه‌نجام ده‌بێت.

به ڕاپۆرتی ئاژانسی مێهر، به‌ پێی دوایین پێش بینییه‌کانی ئیداره‌ی که‌شناسی کوردستان بارینی باران و به‌فر له‌ دوو ڕۆژی ڕابردوو زیاتر له‌ به‌راورده‌کان بووه‌ و زۆربه‌شی له‌ شاخه‌کان به‌فر باریوه‌ و هه‌روه‌ها ئه‌گه‌ری بۆران له‌ مله‌کان له‌ ئارا دایه‌.

به‌ پێی ئه‌م ڕاپۆرته‌، ئه‌مڕۆش بارینی باران و به‌فر له‌ شاره‌کانی بانه‌، مه‌ریوان، سه‌وڵاوا، هه‌ورامان، سنه‌، کامیاران و دیولان زیاتر ده‌بێت و ئه‌گه‌ری لافاو هه‌ستانیش له‌ ئارا دایه‌. له‌ به‌یانی به‌ دواوه‌ پله‌ی گه‌رماش داده‌به‌زێت و هه‌وا ساردتر ده‌بێت و ئه‌مه‌ش ده‌بێته‌ هۆی سه‌هۆڵ له‌ جاده‌کان.

له‌ ئێستادا له‌ زۆر مله‌ی کوردستان به‌ تایبه‌ت ژاڵانه‌  هات و چووی ئۆتۆمبیله‌کان به‌ وردی ئه‌نجام ده‌بێت. له‌ مله‌ی ژاڵانه‌ به‌فرێکی زۆر باریوه‌ و جاده‌کانی له‌ به‌فر پاک کراوه‌ته‌وه‌.

له‌ ڕێگه‌ی دزڵی به‌ره‌و هه‌ورامان به‌فرێکی زۆر قورسی ۳۰ سانتیمه‌تری باریوه‌ و ئێسته‌ش بارین له‌م ناوچه‌یه‌ درێژه‌ی هه‌یه‌. هه‌روه‌ها له‌ جاده‌ی سه‌قز مه‌ریوان له‌ نزیک گوندی گوێڵه‌ش نزیک به‌ ۳۰ سانتیمه‌تر به‌فر باریوه‌ و جاده‌کان ماڵڕاون. 

له‌ ئێستادا هه‌موو جاده‌کانی کوردستان کراوه‌ته‌وه‌ و نزیک به‌ ۳۵۰ بۆ فه‌رمانبه‌ر و ۳۰۰ ئۆتۆمبیلی قورسی ئیداره‌ی جاده‌ و بانه‌کانی کاوردستان سه‌رقاڵی پاک کردنه‌وه‌ی به‌فر له‌ جاده‌کانن.

ئیداره‌ی جاده‌ و بانه‌کانی کوردستان له‌ سه‌رجه‌م شۆفیڕ و گه‌شتیاره‌کان داوای کردووه‌ که‌ له‌ جاده‌کان به‌ هه‌ستیاری هات و چوو بکه‌ن و زنجیری تایه‌ی ئۆتۆمبیل له‌گه‌ڵ خۆیان هه‌ڵبگرن.

News Code 23505

نیشانەکان

بۆچوونی ئێوە

You are replying to: .
  • 2 + 0 =