داخوازی ئه‌ندامانی گرووپی ۲۰ بۆ ڕوون بوونه‌وه‌ی دۆسیەی خاشقجی

سه‌رۆک کۆماری فه‌ڕه‌نسا له‌ میانه‌ی گفتوگۆ له‌گه‌ڵ بن سه‌لمان وتی: ئه‌ندامانی گرووپی ۲۰ داوای ڕوون بوونه‌وه‌ی چۆنیه‌تی کوژرانی جه‌ماڵ خاشقجی ده‌که‌ن.

به ڕاپۆرتی ئاژانسی مێهر له‌ ڕۆیترز، ئێمانۆئل ماکرۆن، سه‌رۆک کۆماری فه‌ڕه‌نسا له‌ په‌ڕاوێزی کۆبوونه‌وه‌ی گرووپی ۲۰ له‌گه‌ڵ محه‌مه‌د بن سه‌لمان دیداری کرد و وتی: ئه‌ندامانی گرووپی ۲۰ داوای ڕوون بوونه‌وه‌ی چۆنیه‌تی کوژرانی جه‌ماڵ خاشقجی ده‌که‌ن.

شایانی باسه‌ که‌ کوژرانی جه‌ماڵ خاشقجی له‌ باڵوێزخانه‌ی سعوودییه‌ له‌ ئه‌سته‌نبۆڵ کاریگه‌ری زۆری له‌ سه‌ر په‌یوه‌ندی وڵاتانی جیهان و ڕیاز بووه‌. محه‌مه‌د بن سه‌لمان پاگه‌نده‌ ده‌کات که‌ ئاگاداری کوشتنی خاشقجی به‌ هیچ شێوه‌یه‌ک نه‌بووه‌.

ئه‌و ڤیدیۆیه‌ی له‌م دیداره‌ بڵاو بووه‌ته‌وه‌ نیشان ده‌کات که‌ ماکرۆن به‌ بن سه‌لمان ده‌ڵێت: تۆ هیچ کات گوێ به‌ قسه‌کانی من ناده‌یت. 

ڕۆیترز ئه‌ماژه‌ی داوه‌ که‌ ئه‌م دیداره‌ سه‌باره‌ت به‌ کوژرانی جه‌ماڵ خاشقجی، ڕۆژنامه‌ نووسه‌ سعوودییه‌که‌  و قه‌یرانی یه‌مه‌ن بووه‌.

محه‌مه‌د بن سه‌لمانیش له‌ وڵام ده‌ڵێت: نا، به‌ دڵنیاییه‌وه‌ من گوێ ده‌گرم.

News Code 23386

نیشانەکان

بۆچوونی ئێوە

You are replying to: .
  • 2 + 5 =