کوردستان زستانێکی پڕ بەفری دەبێت

شاره‌زایه‌کی که‌شناسی کوردستان وتی: ئه‌مساڵ زستان بارشتی کوردستان له‌ ئاستی نۆرماڵ به‌رزتر ده‌بێته‌وه‌.

به‌ ڕاپۆرتی ئاژانسی مێهر، به‌هرام چاره‌خوا سه‌باره‌ت به‌ باریی به‌فر و باران له‌ زستانی ئه‌مساڵدا وتی: پێش بینی ئێمه‌ ئه‌وه‌یه‌ که‌ بارشتی کوردستان تاکوو مانگی خاکه‌لێوه‌ زیاتر له‌ ئاستی نۆرماڵ بێت.

ئه‌و زیادی کرد: نۆرماڵی بارشت له‌ شاره‌کانی سنه‌، مه‌ریوان، بانه‌، کامیاران و قوروه‌ ۱۲۱ میلی مه‌تر، ۹۴ میلی مه‌تر، ۹۳ میلی مه‌تر و ۵۳ میلی مه‌تر بووه‌ که‌ چاوه‌ڕوان ده‌کرێت ئه‌م ڕێژه‌یه‌ ئه‌مساڵ به‌رزتر ببێته‌وه‌.

ئه‌م شاره‌زای که‌شناسییه‌ وتی: پێش بینییه‌کان ۷۰ له‌ سه‌د دێته‌ دی و هه‌ر مانگ نوێ ده‌کرێته‌وه‌، به‌ڵام به‌ هۆی گۆڕانکاری ئیقلیمی و که‌ش و هه‌واوه‌ ئه‌گه‌ری هه‌رجۆره‌ گۆڕانکارییه‌ک هه‌یه‌. بۆ نموونه‌ پێش بێنی ده‌کرێت به‌ نیسبه‌ت ساڵانی ڕابردوو پله‌ی گه‌رما له‌ زستانی ئه‌مساڵ ۰.۵ بۆ ۱ به‌رز بێته‌وه‌ که‌ ئه‌گه‌ر ئه‌مه‌ بێته‌ دی خۆی کاریگه‌ری ده‌بێت له‌ سه‌ر گۆڕینی به‌فر بۆ باران.

چاره‌خوا سه‌باره‌ت به‌ حه‌فته‌ی داهاتوو وتی: تاکوو حه‌فته‌ی داهاتووش شه‌پۆلێکی باران بارین ئاسمانی شاره‌ کوردییه‌کان ده‌گرێته‌وه‌ که‌ ڕه‌نگه‌ له‌ به‌رزاییه‌کان بیکاته‌ به‌فر.

News Code 23336

نیشانەکان

بۆچوونی ئێوە

You are replying to: .
  • 6 + 10 =