سوپایه‌کی گه‌وره‌ بۆ ئازاد کردنی فه‌له‌ستین ڕێکدەخرێت

شێخ نه‌عیم قاسم جه‌ختی کرد که‌ بۆ ئازاد کردنی فه‌له‌ستین و ڕووبه‌ڕوو بوونه‌وه‌ی پیلانه‌کانی ڕۆژئاواییه‌کان له‌ دژی فه‌له‌ستین و وڵاتانی ئیسلامی ده‌بێت کارێکی ئه‌رێنی و جدی بکرێت.

شێخ نه‌عیم قاسم، جێگری سه‌رۆکی حزبۆڵای لوبنان له‌ گفتوگۆ له‌گه‌ڵ ئاژانسی مێهر یارمه‌تی ئابووریی کۆنفڕانسی یه‌کگرتوویی ئیسلامی بۆ دژایه‌تی کردنی وڵاتانی ئابووری به‌ گرنگ وه‌سف کرد و وتی: کۆنفڕانسی یه‌کگرتوویی ئیسلامی که‌ به‌ پشتیوانی ئێران به‌ڕێوه‌ ده‌چێت له‌ دوای لێکدانه‌وه‌ی بابه‌ته‌کان و پرسه‌ ئابوورییه‌کان نییه‌.

ئه‌و زیادی کرد: هه‌ڵبه‌ت بڕێک گرووپ و لایه‌ن هه‌ن که‌ ده‌بێت به‌ جیاواز و به‌ یارمه‌تی شاره‌زایانی ئابووری سه‌باره‌ت به‌م پڕۆژانه‌ کار بکه‌ن و بابه‌تی ئابووری له‌ نێوان ئۆمه‌تی ئیسلامی لێکبده‌نه‌وه‌ که‌ ڕه‌نگه‌ به‌ ئه‌نجامی باشیش بگات، به‌ڵام ئه‌مه‌ پرسی سه‌ره‌کی کۆنفڕانسه‌که‌ نییه‌.

ئه‌و له‌ درێژه‌دا سه‌باره‌ت به‌ گرنگی ئه‌م کۆنفڕانسه‌ له‌ به‌ر گرتن به‌ ڕێککه‌وتنی سه‌ده‌ی ڕۆژئاوا له‌باره‌ی فه‌له‌ستین، وتی: ده‌بێت هه‌موومان ئاگادار بین و بزانین که‌ ئه‌م جۆره‌ کۆنفڕانسانه‌ هه‌نگاوێک به‌ره‌و پێشه‌ و کار و چالاکی زۆر زیاتریش هه‌یه‌.

شێخ نه‌عیم جه‌ختی کرد: یه‌کێک له‌م هه‌نگاوانه‌ خۆڕاگری و ڕێبه‌رییه‌. هه‌روه‌ها خه‌ڵکی ئۆمه‌تی ئیسلامیش ده‌بێت له‌ درێژه‌ی یه‌کگرتوویی هه‌نگاو هه‌ڵبگرن.

ئه‌و وتی: هه‌روه‌ها ده‌بێت هه‌نگاوی فه‌رهه‌نگی له‌ بواره‌ فه‌رهه‌نگییه‌کان له‌ لایه‌ن مامۆستایان و نۆخبه‌کان هه‌ڵبگیردرێت. هه‌موو ئه‌م هه‌نگاوانه‌ پێکه‌وه‌ کۆ ده‌بێته‌وه‌ و سوپایه‌کی گه‌وره‌ بۆ ئازادی فه‌له‌ستین ساز ده‌بێت.

شایانی باسه‌ که‌ ۳۲مین کۆنفڕانسی یه‌کگرتوویی ئیسلامی ئه‌مسال به‌ دروشمی قودس، کۆڵه‌گه‌ی یه‌کگرتوویی ئیسلامی ڕۆژی شه‌مه‌ ۳ی سه‌رماوه‌ز به‌ قسه‌کانی ئایه‌تۆڵا موحسنی ئه‌راکی ده‌ستی پێ کرد. له‌م کۆنفڕانسه‌ ۳۰۰ ڕۆشنبیر و سیاسی له‌ ۱۰۰ وڵاتی جیهانه‌وه‌ به‌شداریان کردووه‌.

یه‌کێک له‌ به‌رنامه‌کانی ئه‌م کۆنفڕانسه‌ لێکۆڵینه‌وه‌ له‌ ده‌ستکه‌وته‌کانی ۴۰ ساڵه‌یی شۆڕشی ئیسلامی له‌ ئێران. ئه‌مساڵ هه‌روه‌ها ۳ کۆبوونه‌وه‌ له‌ ژێر ناوه‌کانی فه‌له‌ستین و ڕێککه‌وتنی سه‌ده‌، فه‌له‌ستین و قودسی پیرۆز و فه‌له‌ستین و مافی گه‌ڕانه‌وه‌ به‌ڕێوه

 چوو.

News Code 23252

نیشانەکان

بۆچوونی ئێوە

You are replying to: .
  • 1 + 8 =