نوێترین ورده‌کاری تیرۆری خاشقجی

به‌رپرسانی تورکیا سه‌باره‌ت به‌ کوشتنی خاشقجی ڕایانگه‌یاند: سه‌رۆکی سیای ئه‌مریکا تۆماره‌ ده‌نگییه‌که‌ی خاشقجی بیستووه‌ و دوو جانتاش له‌ ئۆتۆمبیله‌که‌ی سعوودییه‌ دۆزراوه‌ته‌وه‌.

به‌ ڕاپۆرتی ئاژانسی مێهر له‌ ئه‌لعاله‌م، به‌رپرسانی ئه‌منیه‌تی و هه‌واڵگری تورکیا ڕایانگه‌یاند که‌ هه‌موو به‌ڵگه‌ و زانیارییه‌کانی کوشتنی خاشقجیان ڕاده‌ستی سه‌رۆکی هه‌واڵگری ئه‌مریکا (سیا) کردووه‌.

به‌ پێی ڕاپۆرتێکی ڕۆژنامه‌ی سه‌باح، ئه‌م به‌ڵگانه‌ گرته‌ی ڤیدیۆیی کامێرا شاراوه‌کان، تۆماره‌ ده‌نگییه‌کان و ئه‌و شتانه‌یه‌ که‌ له‌ باڵوێزخانه‌ی عه‌ره‌بستان له‌ ئه‌سته‌نبۆل دۆزراوه‌ته‌وه‌ و ڕاده‌ستی جینا هاپڵ، سه‌رۆکی سیا کراوه‌.

چوار به‌رپرسی ئاگادار ڕایانگه‌یاندووه‌ که‌ هاسپڵ خۆی داوای له‌ به‌رپرسانی تورکیا کردووه‌ که‌ تۆمار ده‌نگییه‌که‌ و به‌ڵگه‌کانی دیکه‌ش سه‌باره‌ت به‌ کوشتنی خاشقجی ڕاده‌ستیان بکرێت، ئه‌نقه‌ره‌ش ئه‌م کاره‌ی جێبه‌جێ کردووه‌.

سه‌رۆکی سیای ئه‌مریکا ڕۆژی دووشه‌مه‌ بۆ لێکدانه‌وه‌ی که‌یسی خاشقجی سه‌ردانی ئه‌سته‌نبۆڵی کرد.

هه‌روه‌ها دوای به‌دوادا چوونی پۆلیسی تورکیا، به‌رپرسانی که‌یسی خاشقجی توانیان پشکنین بۆ ئۆتۆمبیله‌ ون بووه‌که‌ی باڵوێزخانه‌ی عه‌ره‌بستان له‌ ئه‌سته‌نبۆڵ بکه‌ن.

کاناڵی سی ئێن ئێنی تورک له‌ زاری سه‌رچاوه‌ ئاگاداره‌کان نووسی: پۆلیسی تورکیا دوو جانتا و ژماره‌یه‌ک شتی دیکه‌ی له‌م ئۆتۆمبیله‌دا دۆزیوه‌ته‌وه‌. به‌ڵام سه‌رچاوه‌کان ئاماژه‌یان نه‌کردووه‌ چی له‌ جانتاکاندا بووه‌.

News Code 22606

نیشانەکان

بۆچوونی ئێوە

You are replying to: .
  • 5 + 0 =