١٦ ملیارد ڕیاڵ ئامێری قاچاخی کامپیۆتێر لە کوردستان دۆزرایه‌وه‌

جێگری فەرماندەیی ئینتزامی پارێزگای کوردستان ڕایگه‌یاند: پۆلیس ده‌ستی به‌سه‌ر وەجبەیەک ئامێر و که‌لوپه‌لی قاچاخی کەمپیوتێری بە بایەخی ١٦ ملیارد ڕیاڵ لە شاری دێولان گرتووه‌.

بە ڕاپۆرتی ئاژانسی هەواڵی مێهر، سەرهەنگ عەباس مەحموودی وێرای ڕاگەیاندنی ئەو هەواڵە وتی: ئەو وەجبە لە ئامێر و که‌لوپه‌لی تایبه‌تی کامپیۆتری لە لایەن هێزەکانی ئیدارەی بەرەنگاربوونەوەی قاچاخی سەر بە پۆلیسی ئاگایی پارێزگای کوردستان بە هاوکاریی هێزەکانی پۆلیسی ئاگایی شاری دێولان و لە پێناو پلانی ئۆپەراسیۆنی بەرەنگاربوونەوەی قاچاخی کاڵا، لە دوو دەزگا ئۆتۆمبیل لە وێستگەی پشکنینی مووچش بەرەو دێولان گیراوە.

ناوبراو بە ئاماژە بەوەی کە لە پشکنینی ئەو دوو ئۆتۆمبیلەدا سەرجەم ٧٨  ئامێری گرانی کەمپیوتێریی قاچاخ دۆزراوەتەوە، وتیشی: کارناسان بایەخی دراوی کاڵای قاچاخی دۆزراوەیان زیاتر لە ١٦ ملیارد ڕیاڵ لێکداوەتەوە.

سەرهەنگ مەسعوودی ئاماژەی بەوەش دا: لەو ئۆپەراسیۆنەدا ٢ کەس قۆڵبەست کراون و تۆمەتباران پاش پێکهێنانی دۆسیە، بۆ ئەنجامدانی قۆناغگەلی یاسایی ڕەوانەی دادگە کران.

News Code 22573

نیشانەکان

بۆچوونی ئێوە

You are replying to: .
  • 3 + 10 =