دوو کتێبی نوێ له‌ پێشانگای کتێبی کوردستان ڕوونوێنی کرا

کتێبی کانی شه‌فا له‌ نووسینی دوکتور خه‌سره‌ خه‌سره‌وی کوردستانی له‌ پێشانگای نێونه‌ته‌وه‌یی کتێبی کوردستان له‌ سنه‌ ڕوونوێنی کرا.

به‌ ڕاپۆرتی ئاژانسی مێهر، کتێبی زانستی کانی شه‌فا له‌ نووسینی دوکتور خه‌سره‌ خه‌سره‌وی کوردستانی له‌ پێشانگای نێونه‌ته‌وه‌یی کتێبی کوردستان له‌ سنه‌ ڕوونوێنی کرا.

خه‌سره‌و خه‌سره‌وی له‌م ڕێوڕه‌سمه‌ وتی: کاتێک په‌روه‌رده‌ی ئێمه‌ ئه‌نجامی باشی ده‌بێت که‌ خۆمان له‌گه‌ڵ خه‌ڵکی ئاسایی به‌ یه‌ک چاو سه‌یر بکه‌ین و له‌ ئازار و مه‌ینه‌تییه‌کانی ئه‌وان ئاگادار بین.

ئه‌و زیادی کرد: گه‌یشتن به‌ ئێمه‌ له‌ ڕێگه‌ی منه‌وه‌، دواین بابه‌تی کتێبه‌که‌ی منه‌ که‌ زۆر به‌لامه‌وه‌ گرنگه‌ و سه‌ره‌تای چالاکی کۆمه‌ڵایه‌تی هه‌ر مرۆڤێکه‌.

ئه‌م نووسه‌ره‌ کورده‌ وتی: ناوی ئه‌م کتێبه‌ به‌ مانای سه‌رچاوه‌ی ده‌رمان وه‌رگرتنه‌ که‌ ناوی کانییه‌کی ناسراوی شاری سنه‌شه‌ و خه‌ڵک له‌ کۆنه‌وه‌ به‌ کانی شه‌فا ناسیویانه‌.

ئه‌م کتێبه‌ له‌ هه‌زار به‌رگ و به‌ نرخی ۸۰ هه‌زار تمه‌نی ئێران له‌ لایه‌ن بڵاڤگه‌ی زانستی کالج له‌ چاپ دراوه‌.

هه‌روه‌ها له‌ درێژه‌ی کۆڕه‌که‌ کتێبی "وشه‌ی دڵ له‌ ئه‌ده‌بی کوردی" له‌ نووسینی سارمه‌دین ئیفتخاری به‌ ناوه‌ڕۆکی ئه‌ده‌بی کوردی له‌ پێشانگاکه‌ ڕوونوێنی کرا.

ئه‌م کتێبه‌ خوێندنه‌وه‌یه‌کی ورده‌ بۆ هه‌موو دیوانه‌ کوردییه‌ کلاسیکه‌کان و نووسه‌ر به‌ تاقه‌تێکی زۆر وشه‌ی دڵی له‌ هه‌موو شێعره‌کان وه‌ده‌ر کێشاوه‌ و ئاماژه‌ی پێداون.

 شایانی باسه‌ که‌ هه‌شته‌مین خولی پێشانگای نێونه‌ته‌وه‌یی کتێبی کوردستان له‌ شاری سنه‌ تاکوو ڕۆژی ۲۳ی خه‌زه‌ڵوه‌ر درێژه‌ی هه‌یه‌ و زیاتر له‌ ۱۵ وڵاتی بیانیش تێیدا به‌شداریان کردووه‌.

News Code 22386

نیشانەکان

بۆچوونی ئێوە

You are replying to: .
  • 5 + 8 =