کۆڕی فه‌رهه‌نگستانی زمانی کوردی هه‌ولێر لە سنه به‌ڕێوه‌ چوو

له‌ زانکۆی کوردستان له‌ سنه‌ کۆڕێک له‌ ژێر ناوی ناساندنی چالاکی و کتێبه‌کانی فه‌رهه‌نگستانی زمانی کوردی هه‌ولێر به‌ڕێوه‌ چوو.

به‌ ڕاپۆرتی ئاژانسی مێهر، به‌شداری ده‌یان که‌س و لاینگری زمان و ئه‌ده‌بی کوردی له‌ زانکۆی کوردستان له‌ سنه‌ کۆڕێک له‌ ژێر ناوی ناساندنی چالاکی و کتێبه‌کانی فه‌رهه‌نگستانی زمانی کوردی هه‌ولێر به‌ڕێوه‌ چوو.

له‌م کۆبوونه‌وه‌ جێگری فه‌رهه‌نگستانی زمانی کوردی هه‌ولێر ڕایگه‌یاند که‌ زمان ناسنامه‌ی ئێمه‌یه‌ و گه‌وره‌ ترین کتێبه‌ مێژووییه‌کان که‌ له‌ سه‌ر کورد نووسراوه‌ له‌ بنکه‌ی ژین له‌ هه‌رێمی کوردستان کۆ کراوه‌ته‌وه‌.

ئه‌و زیادی کرد: بنکه‌ی ژین هه‌موو کتێبه‌ مێژووییه‌کانی کوردستان به‌ شێوازی سلاید و فیلم و وێنه‌ تۆمار ده‌کات تاکوو له‌ناو نه‌چن، تاکوو ئێسته‌ش زیاتر له‌ ۴۰۰ عێنوان کتێبی مێژوویی سه‌باره‌ت به‌ کورد و کوردستان دووباره‌ له‌ چاپ داوه‌ته‌وه‌. ئێمه‌ ئاماده‌ین هه‌موو ئه‌م کتێبانه‌ به‌ زانکۆ کوردستانیش پێشکه‌ش بکه‌ین. زیاتر له‌ ۱۲ هه‌زار عێنوان کتێبی مێژوویی له‌ بنکه‌ی ژین دایه‌ که‌ ده‌بێت به‌ وردی له‌ سه‌ر هه‌موویان کار بکرێت.

له‌ درێژه‌ی کۆڕه‌که‌ به‌ختیار سه‌جادی، سه‌رۆکی به‌شی کوردی زانکۆ کوردستان وتی: ئێمه‌ش لێره‌ کاری زۆرمان له‌ سه‌ر زمان و ئه‌ده‌بی کوردی کردووه‌ و پێشوازیش له‌ هه‌ر جۆره‌ هاوکارییه‌ک له‌م به‌ستێنه‌دا ده‌که‌ین. له‌ ئێستا ۲۷ کاری لێکۆڵینه‌وه‌ به‌ یارمه‌تی ۲۱ توێژه‌ر و مامۆستا و شاره‌زا له‌ بواری مێژوو و ئه‌ده‌بی کوردی له‌ حاڵی ئه‌نجام بوون دایه‌.

ئه‌و زیادی کرد: چاپ کردنی فه‌رهه‌نگی کوردی به‌ فارسی و به‌ پێچه‌وانه‌ له‌ حاڵی ئه‌نجام بوون دایه‌ که‌ ئه‌رکی سه‌رپه‌ره‌شتی ئه‌م کاره‌ له‌ ئه‌ستۆی مامۆستا ماجید مه‌ردوخ ڕۆحانییه‌. له‌ کتێبخانه‌که‌ی ئێمه‌ش ۱۵ هه‌زار عێنوان کتێب و ۲۰ هه‌زار به‌رگ کتێبی دیجیتاڵی بوونی هه‌یه‌ که‌ تێوژه‌ران ده‌توانن که‌ڵکی لێ وه‌ربگرن.

News Code 22376

نیشانەکان

بۆچوونی ئێوە

You are replying to: .
  • 7 + 9 =