عێراق هێزی سه‌ربازی له‌ سنووری تورکیا جێگیر کرد

حەیدەر عەبادی سەرۆک وەزیران فەرمانیکردووە بە بڵاوکردنەوەی هێزەکانی پاسەوانی سنور بە درێژایی سنوری عێراق و تورکیا.

به‌ ڕاپۆرتی ئاژانسی هه‌واڵی مێهر، نوسینگەی ڕاگەیاندنی حەیدەر عەبادی سەرۆک وەزیرانی عێراق بڵاویکردەوە،   ئەنجومەنی ئاسایشی نشتیمانی کۆبووەتەوە و گفتوگۆ لەسەر چەند بابەتێک کراوە.

بە گوێرەی بەیاننامەکە ئەنجومەن  بڕیاریداوە بە بڵاوکردنەوەی هێزەکانی پاسەوانی سنور بە درێژایی سنوری هاوبەشی عێراق و تورکیا بۆ پاراستنی سنور لە هەر پێشێلکارییەک، بۆ ئەو مەبەستەش هەموو پێداویستییەکان دابین دەکرێت.

هەروەها وەزارەتی دەرەوەی عێراق ڕاسپێردراوە بۆ تۆمارکردن و بە بەڵگەنامەیی کردنی پێشێلکارییەکانی تورکیا بۆ ئاسمانی عێراق لە نەتەوە یەکگرتووەکان و خستنە بەردەمی ئەنجومەنی ئاسایشی نێودەوڵەتی.

هەر لە کۆبوونەوەکەدا گفتوگۆ کرا لەسەر دۆخی ئەمنی شاری بەسرە و گرتنەبەری ڕێوشوێنی پێویست لە پێناو پاراستنی هاووڵاتیان و دامودەزگاکانی حکومی و تایبەتی.

لە بەشێکی تری کۆبوونەوەکەدا بڕیاردراوە لەسەر دووبارە داڕشتنەوەی پەیکەری ڕێکخستنی هێزەکانی پۆلیسی فیدراڵی.

لە کۆبوونەوەکەی ئەنجومەنی ئاسایشی نیشتیمانیدا جگە لە عەبادی ژمارەیەک لە سەرکردە سەربازی و ئەمنییەکانی عێراق ئامادە بوون.

News Code 21747

نیشانەکان

بۆچوونی ئێوە

You are replying to: .
  • 9 + 7 =