خۆپیشانده‌رانی ناڕازی ۳ بینای حکوومییان له‌ به‌سره‌ سووتاند

خۆپیشاندەرانی عێراق سێ‌ رۆژە لەناوچەكانی پارێزگای میسان‌و بەسەر لەباشووری عێراق دەستیان بەخۆپیشاندان كردووەتەوەو چەند بینایەكی حكومیشیان سووتاندووە.

به‌ ڕاپۆرتی ئاژانسی هه‌واڵی مێهر، لەدوو رۆژی رابردووداو لەچوارچێوەی خۆپیشاندانەكان، خۆپیشاندەران بینای ئەنجوومەنی پارێزگاو شارەوانی‌و كۆمەڵگەی فەرمانگەكانیان لەشاری بەسرە سوتاندو خۆپیشاندانیش بەردەوامی هەیە.

 خۆپیشاندەران که‌ ڕایانگه‌یاندووه‌  لەكاردانەوەی تەقەكردنی هێزە ئەمنییەكان هێرشیان كردووه‌ته‌  سەر ئەو بارەگایانەو هەڕەشەی سووتاندنی چەند بینایەكی تری حكومی دەكەن.

جگە لەپارێزگاكانی بەسرەو میسان رۆژی چوار شەممە بۆ پشتگیری خۆپیشاندەرانی ئەو دوو پارێزگایە لەشاری بەغداش خۆپیشاندان كراو بڕیارە خۆپیشاندانیش لەو شارە بەردەوامی هەبێت.

چه‌ند مانگ له‌مه‌وپێش خۆپیشاندان لەناوچەكانی باشووری عێراق بەرێوەچوو، ئەوەش بەهۆی نەبوونی خزمەتگوزاری سەرەتایی وەك كارەباو ئاو، بەڵام ماوەیەكە خۆپیشاندانەكان كەمبووەتەوە و له‌ ناوه‌ڕاستی ئه‌م حه‌وته‌وه‌ دووباره‌ سه‌ریان هه‌ڵدایه‌وه‌.

News Code 21484

نیشانەکان

بۆچوونی ئێوە

You are replying to: .
  • 3 + 5 =