ده‌ستگیریی ۷ تیرۆریستی داعشی له‌ سلێمانی

به‌ڕێوه‌به‌رایه‌تی ئاسایشی سلێمانی ڕایگەیاند :"بە هەماهەنگی لەگەڵ ده‌زگای ئاسایشی هه‌رێمی كوردستان توانیومانە گروپێکی تیرۆریستی حەوت کەسی ده‌ستگیر بکه‌ین."

به‌ ڕاپۆرتی ئاژانسی هه‌واڵی مێهر، ئاسایشی سلێمانی لە ڕاگەیاندراوێکدا ئاماژەی بەوە کرد:  "ئەو کەسانەی دەستگیرکراون دان بەوەدا دەنێن کە سەربە گروپی تیرۆریستی داعشن و ویستویانە چەند پیلانێکی تیرۆریستی لە سلێمانی ئەنجامبدەن و ھاووڵاتییان بڕفێنن".

ئەوەشی ڕاگەیاند:" ژمارەیان حەوت کەسە و شەش کەسیان پیاو بوون و یەکێکیشیان ئافرەت بووە و تەمەنیان لە نێوان ١٨ - ٣٥ ساڵدایە."

هەر لە ڕاگەیاندراوەکەدا ئەوەش هاتووە که‌ لە ئۆپراسیۆنەکەیاندا توانیویانە لە مانگەکانی ئازار و ئایاردا چوار کەسیان لە سلێمانی دەستگیربکەن و دواتریش لە مانگی حوزەیران لە گەرمیان و شارەزوور  دوو کەسی  تریان دەستگیربکەن، ئەم مانگەش لە ناوچەی سەنگاو سەرۆکی گروپەکەیان دەستگیرکراوە.

باسی لەوەش کرد، سەرجەمیان پەیوەندییان بە گروپی چەکدارانی داعشەوە هەبووە.

ئەوەشی خستۆتەڕوو "چه‌ندین تیرۆرستی تریش ده‌ستگیركراون و ڕووبه‌ڕووی یاسا كراونه‌ته‌وه‌، كه‌یسه‌كانیان هێڵراونه‌ته‌وه‌ له‌به‌ر هه‌ستیاری ڕه‌وتی لێكۆڵینه‌وه‌كان و له‌ داهاتوودا زانیارییان له‌باره‌وه‌ ئاشكراده‌كه‌ین و به‌رده‌وامیش ده‌بین له‌ چاودێریكردنی ئاسایشی هه‌رێم."

News Code 21372

نیشانەکان

بۆچوونی ئێوە

You are replying to: .
  • 7 + 3 =