هه‌ڕه‌شه‌ له‌ تورکیا هه‌ڵه‌یه‌کی گه‌وره‌یه‌

ڕه‌جه‌ب ته‌یب ئه‌ردۆغان ڕایگه‌یاند که‌ هه‌ڕه‌شه‌ کردن له‌ تورکیا هه‌ڵه‌یه‌کی گه‌وره‌یه‌.

به‌ ڕاپۆرتی ئاژانسی مێهر له‌ ڕۆیترز، یه‌ک ڕۆژ دوای سه‌پاندنی گومروکی دوو به‌رانبه‌ری به‌ سه‌ر که‌ل و په‌له‌کانی تورکیا بۆ ئه‌مریکا، ڕه‌جه‌ب ته‌یب ئه‌ردۆغان ئه‌م کاره‌ی به‌ هه‌ڕه‌شه‌ وه‌سف کرد و وتی هه‌ڵه‌یه‌کی گه‌وره‌یه‌.

ئه‌ردۆغان که‌ ڕۆژی شه‌مه‌ له‌ کۆنفڕانسێکی مێدیایی به‌شداری کرد بوو زیادی کرد: هه‌ڕه‌شه‌ کردن له‌ تورکیا ئه‌نجامی نابێت.

ئه‌و وتی: ئه‌مه‌ بابه‌تی دۆلار یان یۆرۆ یان زێر نییه‌، ئه‌مه‌ شه‌ڕی ئابووری له‌ دژی ئێمه‌یه‌ و ئێمه‌ ڕێکاری پێویست بۆ ڕووبه‌ڕوو بوونه‌وه‌ی له‌ به‌ر ده‌گرین.

شه‌وی ڕابردوو هه‌روه‌ها ئه‌ردۆغان له‌ میانه‌ی قسه‌کانی خۆی ڕایگه‌یاند: ئه‌مریکا پشتیوانی له‌ تورکیا، وه‌ک ئه‌ندامێکی ناتۆ به‌ هۆی قسه‌شه‌یه‌ک پێشێل ده‌کات، به‌ڕاستی ئه‌مه‌ زۆر جێگه‌ی داخه‌.

شایانی باسه‌، په‌یوه‌ندی نێوان تورکیا و ئه‌مریکا له‌ میانه‌ی چه‌ند ڕۆژی ڕابردوو خوار و ژووری زۆری هه‌بووه‌ و له‌م دواییه‌ش زیندانی کردنی قه‌شه‌یه‌کی ئه‌مریکایی له‌ تورکیا ئه‌وه‌نده‌ی دیکه‌ په‌یوه‌ندییه‌کانی نێوان هه‌ر دوو وڵاتی ئاڵۆز کردووه‌. تورکیا ئه‌م قه‌شه‌یه‌ی به‌ تۆمه‌تی هاوکاری کردن له‌گه‌ڵ گوله‌ن ده‌ستگیر کردووه‌.

News Code 20935

نیشانەکان

بۆچوونی ئێوە

You are replying to: .
  • 3 + 2 =