باڵوێزی فه‌ڕه‌نسا له‌ تاران بانگهێشت کرا

به‌ هۆی به‌ڕێوه‌ چوونی میتینگی گرووپی تیرۆریستی مه‌جاهیدینی خه‌لق له‌ پاریس، وته‌بێژی وه‌زاره‌تی ده‌ره‌وه‌ی ئێران ڕایگه‌یاند که‌ به‌م هۆیه‌وه‌ باڵوێزی فه‌ڕه‌نسا له‌ تاران بانگهێشت کراوه‌.

به ڕاپۆرتی ئاژانسی مێهر، به‌هرام قاسمی، وته‌بێژی وه‌زاره‌تی ده‌ره‌وه‌ی ئێران ڕایگه‌یاند: ڕۆژی پێشوو وه‌زاره‌تی ده‌ره‌وه‌ی ئێران به‌ بانگهێشت کردنی باڵوێزی فه‌ڕه‌نسا له‌ ئێران ناڕه‌زایه‌تی خۆی له‌ چالاکی گرووپی تیرۆریستی موجاهیدینی خه‌لق له‌ پاریس ڕاگه‌یاند.

ئه‌و زیادی کرد: له‌م بانگهێشته‌ جه‌خت کرا که‌ نابێت مۆڵه‌ت بدرێت تاکوو گرووپه‌ تووندڕه‌وه‌کان که‌ ناوه‌ڕۆکی تیرۆریستیان هه‌یه‌ -هه‌رچی بچووک و لاوازیش بن- له‌ ژێر سێبه‌ری ئازادی په‌ره‌ به‌ ڕوانگه‌ ده‌مارگرژانه‌کانیان بده‌ن.

قاسمی ئاماژه‌ی دا: له‌م دیداره‌ به‌ کۆبوونه‌وه‌ی بڕێک له‌ ئه‌ندامانی موجاهدین له‌ پاریس و ئاماده‌ بوونی تووندڕه‌وه‌کانی ئه‌مریکا له‌ دژی ئێران، له‌ دژی خه‌ڵکی ئێران و به‌رپرسانی ئێرانی لێدوانی دوژمنکارانه‌ دراوه‌ که‌ بووه‌ته‌ هۆی ناڕازی بوونی خه‌ڵکی ئێران.

باڵوێزی فه‌ڕه‌نساش له‌ وڵامدا ڕایگه‌یاندووه‌ که‌ هه‌رچی زووتره‌ ناڕه‌زایه‌تی لایه‌نی ئێرانی به‌ حکومه‌تی فه‌ڕه‌نسا ڕاده‌گه‌یه‌نێت.

News Code 20048

نیشانەکان

بۆچوونی ئێوە

You are replying to: .
  • 6 + 12 =