گوترش داوا ده‌کات که‌ شه‌ڕ له‌ باشووری ڕۆژئاوای سووریا بوه‌ستێت

هاوکات له‌گه‌ڵ پێشڕه‌وی سوپای سووریا به‌ره‌و باشوور بۆ شه‌ڕی تیرۆریسته‌کان، ئه‌مینداری نه‌ته‌وه‌ یه‌کگرتووه‌کان له‌ به‌رز بوونه‌وه‌ی شه‌ڕ و ناکۆکی نیگه‌رانی خۆیی ده‌ربڕی.

به ڕاپۆرتی ئاژانسی مێهر له‌ ڕۆیترز، ئانتۆنیۆ گوترش، ئه‌مینداری گشتی نه‌ته‌وه‌ یه‌کگرتووه‌کان داوای کرد به‌ په‌له‌ شه‌ڕی سه‌ربازی له‌ باشووری ڕۆژئاوای سووریا ڕابوه‌ستێت.

هه‌ر له‌مباره‌وه‌، ستێفان فۆجاریک، وته‌بێژی ئه‌مینداری گشتی نه‌ته‌وه‌ یه‌کگرتووه‌کان وتی: ئه‌م هێرشانه‌ بووه‌ته‌ هۆی ئاواره‌ بوونی سه‌دان شارۆمه‌ند که‌ زۆربه‌ی سوورییه‌کان به‌ره‌و سنووری ئه‌ردۆن هه‌ڵاتوون.

ئه‌و هه‌روه‌ها ئاماژه‌ی به‌ نیگه‌رانی گوترش کرد و وتی: به‌رز بوونه‌وه‌ی ناکۆکییه‌کان ده‌بێته‌ هۆی ئه‌وه‌ی سه‌قامگیری ناوچه‌که‌ بکه‌وێته‌ مه‌ترسییه‌وه‌.

شایانی باسه‌ که‌ باشووری سووریا به‌ هۆی نزیک بوون له‌ ئیسڕائیل گرنگی ستراتیژیکی زۆری هه‌یه‌ و هه‌ر به‌م هۆیه‌وه‌ ئه‌ردۆن و ئه‌مریکا به‌ بیانۆی به‌رز بوونه‌وه‌ی ناکۆکییه‌کان و به‌رگرتن به‌ سه‌رهه‌ڵدانی شه‌ڕ پاگه‌نده‌ ده‌که‌ن که‌ ڕچاوی دۆخی ناوچه‌که‌ ده‌که‌ن.

له‌ لایه‌کی دیکه‌وه‌، ئه‌ردۆن له‌ شه‌ڕی نێوان هێزه‌کانی ده‌میشق له‌ باشووری سووریا له‌ دژی گرووپه‌ تیرۆریستییه‌کان له‌ ده‌رعا نیگه‌رانه‌. هه‌واڵه‌کان باسی ئه‌وه‌ ده‌که‌ن که‌ سوپای سووریا هێزه‌کانی خۆیی بۆ ڕۆژئاوای سوه‌یدا و بنکه‌ی خه‌لخه‌له‌ و سه‌نمین گواستووه‌ته‌وه‌ و ئاماده‌ی شه‌ڕ کردن بووه‌.

پێش بینی ده‌کرێت که‌ سێ گۆچکه‌ی ده‌رعا، قه‌نیتره‌ و ده‌میشق ببێته‌ ناوه‌ندی به‌ره‌یه‌کی دیکه‌ی شه‌ڕ له‌ سووریا و سوپای سووریا له‌ میانه‌ی چه‌ند ڕۆژی داهاتوو له‌شکه‌رکێشی بۆ سه‌ر ئه‌م ناوچانه‌ ئه‌نجام بدات.

News Code 19723

نیشانەکان

بۆچوونی ئێوە

You are replying to: .
  • 1 + 7 =