۲۳۰ ملیارد تمەن گۆژمە بۆ پارێزگای کوردستان تەرخان دراوە

پارێزگاری کوردستان لە تەرخان درانی ٢٣٠ ملیارد تمەن گۆژمە بە کەرتەکانی فەرهەنگی، هونەری و وەرزشی لە سەفەری جێگری کاروباری زانستی، فەرهەنگیی ڕێکخراوی پلان داڕێژی و بوودجەی وڵات بەو پارێزگایە هەواڵی دا.

بە ڕاپۆرتی ئاژانسی هەواڵی مێهر، بەهمەن مورادنیا شەوی ڕابردوو (سێ شەممە) لە دانیشتنی ئەنجومەنی پلان داڕشتن و بوودجەی وڵات بە ئامادەبوونی تاقمێک لە بەرپرسانی پارێززگایی و وڵات لە هۆڵی شوهەدای دەوڵەت، وتی: لە سەفەری بەرپرسانی وڵات بۆ ئەم پارێزگایە، ٢٣٠ ملیارد تمەن گۆژمە بە کەرتەکانی فەرهەنگی، هونەری و وەرزشی پارێزگای کوردستان تەرخان درا.

ڕاشیگەیاند: ئەو بەرپرسانە لە ماوەی مانەوەیان لە کوردستان، سەردانی پڕۆژەگەلی جۆراوجۆری نیوەکارە کە چەندین ساڵە پشت گوێ خراون، کرد و گۆژمەگەلێکیان بۆ ئەو پڕۆژانە تورخان دا و هیوادارین بەشێکیان لە ساڵی داهاتوو و کۆتایی ئەمساڵ بچنە قۆناغی وەبەرهێنان.  

ناوبراو بە ئاماژە بە لێهاتوویی گەنجانی پارێزگای کوردستان و پوتانسیەلەکانی گەشە لەو پارێزگایە، جەختی کرد: کۆڵبەری هیمای هەوڵ و سەخڵەتی و دژواریی ژیانی خەڵکی ئەم ناوچەیە کە لە نابەرابەرییەکانی بەردەم گەشەی پارێزگا ڕەنجە دەبەن کە هیوادارین بە هەوڵی بەڕێوەبەرانی دەوڵەتی تەدبیر و ئومێد چارەسەر بکرێن.

موراد نیا لە کۆتاییدا بە گرینگ وەسف کردنی پرسی ئاو لە پارێزگا بۆ پێشکەوتنی کشتوکاڵی کوردستان، هیوای خواست کە تا بەر لە کۆتایی دەوڵەتی دووزادەهەم خەڵکی کوردستان گوێیان لە دەنگی شەمەندەفەر و کرانەوەی هێڵی ئاسن لە پارێزگاکەیان بن.

News Code 19671

نیشانەکان

بۆچوونی ئێوە

You are replying to: .
  • 4 + 1 =