ڕه‌نگدانه‌وه‌ی ۲۲ی ڕێبه‌ندان له‌ مێدیا کوردییه‌کانی ناوچەکە

هاوکات له‌گه‌ڵ مێدیا جیهانییه‌کان زۆربه‌ی مێدیا کوردییه‌کان هه‌واڵی جه‌ژنی ساڵوه‌گه‌ری سه‌رکه‌وتنی شۆڕشی کۆماری ئیسلامی ئێرانیان بڵاو کرده‌وه‌.

به‌ ڕاپۆرتی ئاژانسی مێهر، کاناڵی ڕووداو ئاماژه‌ی به‌ قسه‌کانی حه‌سه‌ن ڕۆحانی، سه‌رۆک کۆماری ئێران له‌م ڕۆژه‌ داوە: ئێرانییەکان لە سایەی "شۆڕشی ئیسلامی"ـیەوە بەختەوەر و سەرفرازبوون و رێککەوتنی ئەتۆمیش سەرکەوتنێکی گەورەیە بۆ وڵاتەكەیان.

ڕووداو له‌ درێژه‌دا له‌ ده‌نووسێت: "گەلی ئێران لە ڕێگەی دەنگدان و هەڵبژاردنەوە توانی ئامانجەکانی بەدیبهێنێت چونکە دەسەڵاتی ئێران هەموو هەوڵێکی داوە بۆ ئەوەی خۆشبەختی دابین بکات".

ڕۆژنامه‌ی ئاوێنه‌ ئاماژه‌ی به‌ به‌رز ڕاگرتنی یادی ۳۷ ساڵه‌یی کۆماری ئیسلامی ئێران له‌ هه‌رێمی کوردستان کردووه، ئاوێنه‌ ئاماژه‌ی داوه‌ که‌ سه‌رجه‌م پارته‌ کوردییه‌کانی هه‌رێمی کوردستان له‌ ڕێوڕه‌سمی یاده‌وری شۆڕشی ئیسلامی کە لە کۆنسۆڵگەری ئێران لە سلێمانی بەڕێوەچوو به‌شداریان کردووه.

له‌ لایه‌کی دیکه‌وه‌ ماڵپه‌ڕی خه‌ندان ئاماژه‌ی به‌ کردنه‌وه‌ی سه‌نته‌ری ڕۆشنبیری و وه‌رزشوانی ئیمام خومه‌ینی (ره) له‌ که‌رکووک له‌ ڕۆژی ۲۲ی ڕێبه‌ندان کردووه.

خه‌ندان ئاماژه‌ی داوه‌ که‌ پارێزگاری که‌رکووک له‌م ڕێوڕه‌سمه‌دا وتوویه‌تی: " كۆماری ئیسلامی ئێران هه‌میشه‌ هاوكاری عیراقییه‌كان بووه‌ ‌و هه‌ڵوێستی جوامێرانه‌یان هه‌بووه‌ له‌ شه‌ڕی دژ به‌ تیرۆریستانی داعشدا.

هیوادارین ئه‌م سه‌نته‌ره‌ بتوانێت ببێته‌ هۆی قووڵتر بوونه‌وه‌ی دۆستایه‌تی وڵاتی ئێران و کورد له‌ ناوچه‌که‌دا".

هه‌روه‌ها ڕۆژنامه‌ی باس‌نیوز له‌ هه‌واڵێکدا ئاماژه‌ی داوه‌ که‌ ئەمڕۆ ۲۲ – ۱۱ - ۱۳۹۴ رێبەندان ۳۷ ساڵ بەسەر شۆڕشی یسلامی ئێراندا تێدەپەڕی، ساڵی ۱۹۷۹ بە بەشداریی زۆرینەی خه‌ڵکی ئێران و پاش رووخاندنی حكوومەتی حەمەڕەزاشای پەهلەوی "كۆماری ئیسلامیی ئێران دامەزرا".

News Code 1962

نیشانەکان

بۆچوونی ئێوە

You are replying to: .
  • 5 + 1 =