فڕۆکه‌کانی ئه‌مریکا سوپای سووریایان له‌ بوکه‌ماڵ بۆردمان کرد

مێدیای فه‌رمی سووریا له‌ زاری سه‌رچاوه‌یه‌کی سه‌ربازییه‌وه‌ ڕایگه‌یاند که‌ بنکه‌ و باره‌گاکانی سوپای سووریا له‌ لایه‌ن فڕۆکه‌ جه‌نگییه‌کانی هاوپه‌یمانی ئه‌مریکاوه‌ بۆردمان کراوه‌.

به ڕاپۆرتی  ئاژانسی مێهر له‌ ڕۆیترز، مێدیای فه‌رمی سووریا له‌ زاری سه‌رچاوه‌یه‌کی سه‌ربازی ئه‌مڕۆ ڕیگه‌یاند که‌ فڕۆکه‌ جه‌نگییه‌کان هاوپه‌یمانی نێونه‌ته‌وه‌ی به‌ سه‌رۆکایه‌تی ئه‌مریکا بنکه‌ و باره‌گاکانی سوپای سووریایان له‌ ڕؤژهه‌ڵاتی سووریا به‌ خه‌ستی بۆردمان کردووه‌ و ژماره‌یه‌ک کوژراو و بریندار بوون.

به‌ پێی ئه‌م ڕاپۆرته‌، ئه‌م هێرشه‌ له‌ ناوچه‌ی حاڕه‌ له‌ ڕۆژهه‌ڵاتی شاری بوکه‌ماڵ ئه‌نجام بووه‌.

هێشتا هیچ هه‌واڵێک سه‌باره‌ت به‌ ئاماری قوربانییه‌کانی ئه‌م هێرشه‌ بڵاو نه‌بووه‌ته‌وه‌.

فه‌رمانده‌یه‌کی سه‌ربازی لاینگری به‌ره‌ی سه‌ربازی به‌شار ئه‌سه‌د، له‌مباره‌وه‌ به‌ ڕۆیترز وتی: فڕۆکه‌ بێ فڕۆکه‌وانه‌کانی ئه‌مریکا بنکه‌ و باره‌گای هێزه‌ عێراقییه‌کان و سووریایان له‌ سنووری نێوان بوکه‌ماڵ و ته‌نه‌ف بۆردمان کردووه‌.

شایانی باسه‌ که‌ هاوپه‌یمانی نێونه‌ته‌وه‌یی دژه‌ داعش به‌ سه‌رۆکایه‌تی ئه‌مریکا له‌ هێزه‌ کوردی و عه‌ره‌به‌کان له‌ ڕۆژهه‌ڵاتی بوکه‌ماڵ پشتیوانی ده‌کات.

ئه‌مه‌ له‌ حالێک دایه‌ که‌ به‌شار ئه‌سه‌د حه‌فته‌ی ڕابردوو سه‌باره‌ت به‌ ئه‌مریکا وتی: وڵاته‌که‌ی له به‌رخۆدان به‌رگری ده‌کات چ له‌ دژی تیرۆریسته‌کان بێت چ له‌ دژی داگیرکاری وڵاتێکی بیانی بێت.

News Code 19603

نیشانەکان

بۆچوونی ئێوە

You are replying to: .
  • 2 + 1 =