ئۆپراسیۆنی قه‌ندیل له‌ باکووری عێراق ده‌ستی پێ کرد

سه‌رۆک کۆماری تورکیا بێ ئه‌وه‌ی ئاماژه‌ به‌ نایاسایی بوونی هێرش کردن بۆ سه‌ر هه‌رێمی کوردستان بکات، ڕایگه‌یاند که‌ ئۆپراسیۆنه‌کان له‌ باکووری عێراق ده‌ستی پێ کردووه‌.

به‌ ڕاپۆرتی ئاژانسی مێهر له‌ ئاناتۆلی، ڕه‌جه‌ب ته‌یب ئه‌ردۆغان، سه‌رۆک کۆماری تورکیا ئه‌مڕۆ دووشه‌مه‌ ڕایگه‌یاند که‌ ئۆپراسیۆنی سه‌ربازی له‌ باکووری عێراق (قه‌ندیل) ده‌ستی پێ کردووه‌.

سه‌رۆک کۆماری تورکیا بێ ئه‌وه‌ی ئاماژه‌ به‌ پێشێل کردنی یاسا نێونه‌ته‌وه‌ییه‌کان سه‌باره‌ت به‌ پێشێل کردنی سه‌روه‌ری خاکی عێراق بکات، وتی: ئامانجی ئێمه‌ وشک کردنی گه‌وره‌ترین زه‌ڵکاوه‌ و قه‌ندیل چی دیکه‌ بۆ وڵاتی ئێمه‌ و خه‌ڵکه‌که‌مان سه‌رچاوه‌ی مه‌ترسی و تیرۆر نابێت.

ئه‌و جه‌ختی کرد: تاکوو ئێسته‌ ۱۴ ئامانجی گرنگی سه‌ر به‌ تیرۆریسته‌کانی په‌که‌که‌ له‌ لایه‌ن ۲۰ فڕۆکه‌ی جه‌نگی تورکیاوه‌ به‌ خه‌ستی بۆردمان کراوه‌ و هه‌موویان خاپوور بوون.

ئه‌و هه‌روه‌ها ئاماژه‌ی به‌ عه‌فرین له‌ سووریا کرد و وتی: هه‌ر وه‌ک چۆن عه‌فرین و جرابڵۆس و عه‌زازمان له‌ تیرۆریسته‌کان پاک کرده‌وه‌، ئاوا قه‌ندیلیش خاوێن ده‌که‌ینه‌وه‌.

News Code 19480

نیشانەکان

بۆچوونی ئێوە

You are replying to: .
  • 4 + 7 =