کوردی سووریا حەشارگەی ئه‌بوبه‌کر به‌غدادی گه‌ماڕۆ دا

ئه‌و شوێنه‌ی ئه‌بوبه‌کر به‌غدادی، سه‌رۆکی تیرۆریسته‌کانی داعش خۆی تێدا شاردووه‌ته‌وه‌، له‌ لایه‌ن شەرڤانە کوردییه‌کانی سووریاوە گه‌ماڕۆ دراوه‌.

فه‌رمانده‌یه‌کی سوپای سووریای دیموکڕاتیک ڕایگه‌یاند که‌ شاری هه‌ژین که‌ ئه‌بوبه‌کر به‌غدادی خۆی تێدا شاردووه‌ته‌وه‌ له‌ لایه‌ن هێزه‌ کوردییه‌کانەوە به‌ ته‌واوەتی گه‌ماڕۆ دراوه‌.

به‌ ڕاپۆرتی ئاژانسی مێهر، ئۆپراسیۆن و پێشڕه‌وه‌ی هێزه‌ کوردییه‌کان له‌ سووریا درێژه‌ی هه‌یه‌ و ناوچه‌کانی ڕۆژهه‌ڵاتی ده‌یره‌زوور له‌ داعشییه‌کان پاک ده‌کرێته‌وه‌.

به‌ پێی ئه‌م ڕاپۆرته‌، شێرکۆ حه‌سه‌که‌، فه‌رمانده‌ی سوپای سووریا دیموکڕاتیک سه‌باره‌ت به‌ ئۆپراسیۆنی گه‌رده‌لوول له‌ ده‌یره‌زوور وتی: شاری هه‌ژین که‌ ئه‌بوبه‌کر به‌غدادی خۆی تێدا شاردووه‌ته‌وه‌ له‌ لایه‌ن هێزه‌ کوردییه‌کان به‌ ته‌واوی گه‌ماڕۆ دراوه‌. 

ئه‌و زیادی کرد: له‌ هه‌ژین به‌غدادی و ژمارەیەک لە فه‌رمانده‌ باڵاکانی داعش خۆیان شاردووه‌ته‌وه‌.

ئه‌م فه‌رمانده‌ کورده‌ هه‌روه‌ها ئاماژه‌ی دا: ئۆپراسیۆنه‌کە به‌ هه‌ماهه‌نگی ته‌واو له‌گه‌ڵ سوپای عێراق ئه‌نجام ده‌بێت و دوای ته‌واو بوونی ئۆپراسیۆنه‌کانیش هه‌موو سنووره‌کانی سووریا له‌ ژێر کۆنترۆڵی هێزه‌ کوردییه‌کان ده‌مێنێته‌وه‌.

News Code 18907

نیشانەکان

بۆچوونی ئێوە

You are replying to: .
  • 2 + 0 =