ڕێوڕەسمی کۆتایی فستیڤاڵی ناوچەیی فیلم و وێنەی ژیار بەڕێوەچوو

بە ئامادەبوونی ژمارەیەکی زۆر لە لایەنگرانی هونەری وێنەگریی و فیلم سازیی، لە ڕێوڕەسمێکدا کۆتایی بە دەیەمین فستیڤاڵی ناوچەیی فەرهەنگی خۆجێیی ژیار هێنرا.

بە ڕاپۆرتی هەواڵنێری مێهر،  ئێوارەی ڕۆژی پێنج سەمە ۲۰ی گوڵان، ڕێوڕەسمی کۆتایی هاتنی دەیەمین فستیڤاڵی ناوچەیی فەرهەنگی خۆجێیی فیلم و وێنەی ژیار لە هۆڵی فەروەردینی مەکۆی فەرهەنگی و هونەری فەجری سنە بەڕێوەچوو.

لەم ڕێوڕەسمەدا کە ژمارەیەک لە بەرپرسانی شاری سنە و هونەرمەندانی ناسراوەی ۷ پارێزگای ڕۆژاوای ئێران و چەندین وێنەگر و فیلم سازی خەڵکی هەرێمی کوردستان ئامادەی بوون، هەڵبژاردەکانی دەیەمین فستیڤاڵی ژیار خەڵات کران و لە دوو بەشیدا جیاجیایشدا ڕێز لە چەندین ساڵی خزمەتی هونەری وێنەگری پێشەنگی کورد، مەسعوود موراد سەلیمی و فیلم ساز بەختیار لەحیمی گیرا.

لەم ڕێوڕەسمەدا مووسەوی، بەڕێوەبەری گشتی ئەنجومەنی سینەما جەوانی ئێران، وتی: ساڵی ڕابردوو هونەرمەندانی ئێران ۹۰۰ جار بەشدارییان لە فستیڤاڵ و کۆڕە نێودەوڵەتییەکانی بواری فیلم دا کردووە و توانیویانە ۱۸۰ خەڵات وەرگرن.

لای خۆیەوە دوکتۆر خەسرەو سینا، فیلم نامە نووس و دەرهێنەری ناسراوەی کورد ڕایگەیاند کە نزیک بە ۳۰۰ بەرهەم لەو ۹۰۰ بەرهەمە کە لە ئێرانەوە بەشداریی کۆڕە نێودەوڵەتییەکانیان کردووە هی هونەرمەندانی کورد بووە.

News Code 18706

نیشانەکان

بۆچوونی ئێوە

You are replying to: .
  • 2 + 1 =