٢٠٠ پڕۆژەی ئاوەدانی لە کوردستان ئەنجام بووە

بەرپرسێکی سوپای بەیتولموقەدەس وتی: ساڵی ٩٦ هەتاوی ٢٠٠ پڕۆژەی ئاوەدانی لە ئاستی پارێزگای کوردستان لە لایەن بەسیجی سازەندگییەوە جێبەجێ کراوە و چێ کردن و نۆژەن کردنەوەی ١٠٠ قوتابخانەی گوندی لە گرینگترینی ئەو پڕۆژانە بووە.

بە ڕاپۆرتی هەواڵنێری ئاژانسی هەواڵی مێهر، عەلی ئەسغەر عەزیزی فەر لە دیمانەیەکی رۆژنامەوانیدا وتی: بەسیجی سازەندگیی پارێزگا لە ساڵی ٨٨ی هەتاوی دوو هەزار و ٣٩٦ پڕۆژە بە گوژمەی ٤٠ ملیارد تمەنی لە ناوچە بێ بەشەکانی پاریزگا جێبەجێ کردووە و لە ژێر ناوی دیاریی رێبەری باڵای شۆڕش وەبەرهێنراوە.

عەزیزی فەر وتیشی: ساڵی ڕابردوو ٢٠٠ پڕۆژەی ئاوەدانی بە گوژمەی ٤ ملیارد تمەن لە ئاستی پارێزگادا جێبەجێ کردووە کە چێ کردن و نۆژەن کردنەوەی ١٠٠ قوتابخانەی گوندی بە گوژمەیەکی نزیکەی ٢ ملیارد تمەن لە گرینگترین هەنگاوەکانی بەسیجی سازەندگی بووە کە لە سەدا ٥٠ی چالاکیگەلی بواری ئاوەدانی لە خۆ دەگرێت.

بەرپرسی بەسیجی سازەندگیی سپای بەیتولموقەدەس بە ئاماژە بەوەی کە یەک ملیارد و ٥٠٠ ملیۆن تمەن خزمەتی نائاوەدانی لە ناوچەگەلی بێ بەش ئاراستەی خوازیاران و دەستکورتان کراوە، ڕاشیگەیاند: دابەشکردنی ١٥ هەزار پاکێجی خۆراکی، چوار هەزار و ٧٠٠ پاکێجی دەفتەر و پێنووس، ٧ هەزار پاکێجی جل و بەرگ، ٣٤٠ پاکێجی جیاز، ٩ هەزار پاکێجی مەعاش و هەزار پاکێجی تەندروستی لە گوند و ناوچەگەلی گوندی و پاڵپشتیی ٦ ملیارد تمەنی بە ژنانی سەرپەرەشتی بنەماڵە لەوا ناوچانەدا، بەشێکن لە چالاکییەکانی بەسیجی سازەندگیی پارێزگای کوردستان.

ناوبراو ئاماژەی بەوەش دا: گرووپگەلی جیهادی لە پارێزگاکانی دیکەوە دێنە کوردستان و لە پلانێکی ٣ تا ٥ ساڵەدا دەست دەدەنە هەڵمەتگەلی جیهادی لە ناوچەیەکی تایبەتی و چارسەرکردنی کێشەکانی ئەو ناوچەیە.

عەیزی فەر لە درێژەدا وێرای ئاماژە بە پێدانی ٢٢ ملیارد تمەن وام بۆ ڕەخساندنی هەزار و ٨٠٠ هەلی کار لە ماوەی ساڵەکانی ٩٢ تا ٩٥ی هەتاوی، وتی: ساڵی ڕابردوو زیاتر لە سێ ملیارد و ٥٠٠ ملیۆن تمەن وامی ئابووریی خۆڕاگری بۆ ڕەخساندنی ٢٠٠ هەلی کار دراوە بە خەڵکی پارێزگا.

بەرپرسی بەسیجی سازەندگیی سپای بەیتولموقەدەس لە کۆتاییشدا ئاماژەی بە گرینگی دان بە ڕەخساندنی پیشەگەلی بەرهەم هێنەریی هاوسەنگ لە گەڵ شارەکانی پارێزگا، وتیشی: لە قەوارەی گەڵاڵەی کەرامەتی ٢ سەرجەم ١٨ پڕۆژەی ئاوەدانی بە تێچووی زیاتر لە چوار ملیارد تمەن لە ٩ گەڕەکی شاری سنە و گەڕەکێکی شاری قوروە پێناسە کراوە و ئەو چالاکیانە لە سەرەتای ئەمساوە دەست پێدەکەن.

News Code 18640

نیشانەکان

بۆچوونی ئێوە

You are replying to: .
  • 4 + 0 =