تیرۆریسته‌کان له‌ ناوچه‌ی یه‌رموکی سووریا ده‌کشێنه‌وه‌

ئاژانسی فه‌رمی سووریا ڕایگه‌یاند که‌ تیرۆریستیه‌کانی ناوچه‌ی یه‌رموک له‌گه‌ڵ حکومه‌تی ناوه‌ندی ڕێککه‌وتوون تاکوو له‌م ناوچه‌ بکشێنه‌وه‌.

به ڕاپۆرتی ئاژانسی مێهر له‌ ماڵپه‌ڕی سانا، مێدیا حکومییه‌کانی سووریا ڕایانگه‌یاند که‌ ڕێککه‌وتن کراوه‌ تاکوو که‌مپی یه‌رموک له‌ باشووری ده‌میشق چۆڵ بکرێت.

ئاژانسی سانا له‌مباره‌وه‌ نووسی: دوای شکسته‌ یه‌ک له‌ دوای یه‌که‌کانی تیرۆریسته‌کان، گرووپه‌ تیرۆریستییه‌کان ئاماده‌ بوون که‌ له‌گه‌ڵ حکومه‌تی ده‌میشق ڕێککه‌وتن بکه‌ن تاکوو ئه‌ندامانی خۆیان له‌ که‌مپی یه‌رموک بۆ شوێنێکی دیکه‌ له‌ نزیک ئه‌دله‌ب بکشێننه‌وه‌.

به‌ پێی ئه‌م ڕاپۆرته‌، هه‌روه‌ها له‌ پێناو ئه‌مه‌ ۵ هه‌زار که‌سی شیعه‌ له‌ دوو شاری فوعه‌ و کفریا که‌ له‌ لایه‌ن تیرۆریسته‌کانه‌وه‌ گه‌ماڕۆ دراوه‌، ئازاد بوون.

ئه‌م ڕێککه‌وتنه‌ ئه‌مڕۆ دووشه‌مه‌ ده‌چێته‌ قۆناغی جێبه‌جێ کردن و بڕیار وایه‌ له‌ یه‌که‌م قۆناغ یه‌ک و هه‌زار و ۵۰۰ که‌س له‌ خه‌ڵکی فوعه‌ و کفریا ئازاد بکرێن.

له‌م ڕێککه‌وتنه‌ جه‌خت کراوه‌ که‌ که‌سانی ڕفێندراو له‌ شارۆچکه‌ی ئه‌شتبه‌رق که‌ ۸۵ ژن و منداڵ و پیرن ده‌بێت له‌ قۆناغی دووهه‌م ئازاد ببن و ڕاده‌ستی هێزه‌کانی سوپای سووریا بکرێن.

News Code 18461

نیشانەکان

بۆچوونی ئێوە

You are replying to: .
  • 9 + 9 =