ئه‌گه‌ری ڕاگرتنی فرۆشتنی چه‌ک له‌ لایه‌ن ئاڵمانیاوە به‌ تورکیا

پارتێکی ئاڵمانیا له‌ پارلمانی ئه‌م وڵاته‌ پڕۆژه‌ یاسایه‌کی پێشکه‌ش کردووه‌ که‌ داوا ده‌کات به‌ هۆی هیرشی داگیرکاری تورکیا بۆ سه‌ر عه‌فرین، فڕۆشتنی چه‌ک به‌ ئه‌نقه‌ره‌ ڕابگیردرێت.

به‌ ڕاپۆرتی ئاژانسی مێهر، ئاندامانی پارلمانی ئاڵمانیا پڕۆژه‌ یاسایه‌کی پێشکه‌ش کردووه‌ که‌ داوا ده‌کات به‌ هۆی هیرشی داگیرکاری تورکیا بۆ سه‌ر عه‌فرین، فڕۆشتنی چه‌ک به‌ ئه‌نقه‌ره‌ ڕابگیردرێت.

به‌ پێی ئه‌م ڕاپۆرته‌، له‌م پڕۆژه‌ یاسایه‌ هه‌روه‌ها داوا کراوه‌ تاکوو فرۆشتنی چه‌ک به‌ وڵاتانی عه‌ره‌بستان و ئیماراتیش قه‌ده‌غه‌ بکرێت و ئه‌مه‌ش به‌ هۆی شه‌ڕی یه‌مه‌نه‌وه‌یه‌.

له‌م پڕۆژه‌ یاسایه‌دا هۆکاری قه‌ده‌غه‌ کردنی فرۆشی چه‌ک به‌و سێ وڵاته‌ نیگه‌رانی سه‌باره‌ت به‌ به‌کارهێنانی ئه‌و چه‌کانه‌یه‌ له‌ دژی کوردی سووریا و خه‌ڵکی یه‌مه‌نه‌. به‌ تیابه‌ت ئاماژه‌ کراوه‌ که‌ سوپای تورکیا له‌ داگیرکاری عه‌فرین له‌ تانکی ئاڵمانی لئۆپاردی که‌ڵکی بردووه‌.

له‌ ئه‌گه‌ری په‌سه‌ند بوونی ئه‌م پڕۆژه‌ یاسایه‌، سه‌رجه‌م مامه‌ڵه‌ پێشوووه‌کانی فرۆشتنی چه‌کی ئه‌ڵمانیا به‌ تورکیا هه‌ڵده‌وه‌شێته‌وه‌ و ناردنی چه‌ک قه‌ده‌غه‌ ده‌کرێت.

شایانی باسه‌ که‌ تورکیا ماوه‌یه‌ک به‌ر له‌ ئێستا هێرشی داگیرکاری کرده‌ سه‌ر شاری عه‌فرین و دوای ۵۶ ڕۆژ به‌رخۆدانی هێزه‌ کوردییه‌کان ئه‌م شاره‌ی داگیر کرد.

News Code 18458

نیشانەکان

بۆچوونی ئێوە

You are replying to: .
  • 3 + 7 =