گه‌وره‌ترین ناوچه‌ی مردووی جیهان له‌ ده‌ریای عه‌مان دۆزرایه‌وه‌

زانایانی زه‌ویناسی عه‌مان گه‌وره‌ترین ناوچه‌ی مردووی جیهانیان دۆزییه‌وه‌ که‌ له‌م شوێنه‌دا هیچ ماسی و گیا و بوونه‌وه‌رێک ناژیه‌ت، له‌م ناوچه‌یه‌ ڕێژیه‌که‌ی یه‌کجار که‌می ئۆکسیزژن هه‌یه‌.

به ڕاپۆرتی ئاژانسی مێهر له‌ میل ئانلاین، زانایان ناوچه‌یه‌کی مردوویان له‌ ده‌ریای عه‌مان دۆزیوه‌ته‌وه‌ که‌ له‌ قه‌واره‌ی سکاتله‌ند گه‌وره‌تره‌.

له‌م ناوچه‌یه‌ هیچ ماسییه‌ک و گیا و بوونه‌وه‌رێک ناژیه‌ت چون گۆڕینی که‌ش و هه‌وا و خواربوونه‌وه‌ی زێراب بۆ ئه‌م ناوچه‌یه‌ هه‌موو ئۆکسیژنی ئاوه‌که‌ ده‌مژێت.

ئه‌م ناوچه‌یه‌ که‌ هێشتا لێکدانه‌وه‌ی باشی بۆ نه‌کراوه‌ یه‌کجار گه‌وره‌ و به‌رپانه‌. ئه‌و که‌سانه‌ی ژیانیان له‌ ڕێگه‌ی ده‌ریا و ڕاوه‌ ماسییه‌وه‌ دابین ده‌بێت، بژێوی ڕؤژانه‌یان به‌ هۆی په‌ره‌ سه‌ندنی ئه‌م ناوچه‌یه‌ له‌ مه‌ترسی دایه‌.

ڕۆباته‌ زانستییه‌کان سه‌رقاڵی ڵیکدانه‌وه‌ی ئه‌م ناوچه‌یه‌ن له‌ ده‌ریای عه‌مان، گه‌رم بوونی که‌ش و هه‌وا و پیس کردنی ژینگه‌ له‌ لایه‌ن مرۆڤه‌کان هۆکاری سه‌ره‌کی دروست بوونی ئه‌م ناوچه‌ به‌رفراوانه‌یه‌.

به‌ پێی لێدوانی زانایانی زه‌ویناسی ناوچه‌ی مردوو به‌و ناوچانه‌ ده‌وترێت که‌ که‌مترین ئۆکسیژنی تێدایه‌ و زیاتر له‌ قووڵایی ۲۰۰ بۆ ۸۰۰ مه‌تری ده‌ریاکان دایه‌.

News Code 18438

نیشانەکان

بۆچوونی ئێوە

You are replying to: .
  • 2 + 7 =