به‌ هیچ شێوه‌یه‌ک ڕێگه‌ ناده‌ین پێشمه‌رگه‌ بگه‌ڕێته‌وه‌ که‌رکووک

فه‌رمانده‌یه‌کی سوپای عێراق له‌ پارێزگای که‌رکووک جه‌ختی کرد که‌ به‌ هیچ شێوه‌یه‌ک ڕێگه‌ به‌ گه‌ڕانه‌وه‌ی پێشمه‌رگه‌ بۆ پارێزگای که‌رکووک نادرێت. 

به‌ ڕاپۆرتی ئاژانسی مێهر له‌ سومرییه‌ نیوز، مه‌عن سه‌عدی، فه‌رمانده‌ی دژه‌ تیرۆری سوپای عێراق له‌ پارێزگای که‌رکووک جه‌ختی کرد که‌ به‌ هیچ شێوه‌یه‌ک ڕێگه‌ به‌ گه‌ڕانه‌وه‌ی پێشمه‌رگه‌ بۆ پارێزگای که‌رکووک نادرێت. 

جێگه‌ی ئاماژه‌یه‌ که‌ له‌ ۱۶ی ئۆكتۆبه‌ره‌وه‌ له‌ دوای کشانه‌وه‌ی هێزه‌کانی پێشمه‌رگه‌ له‌ که‌رکووک و شه‌نگال، ئه‌م ناوچانه‌ جارێکی دیکه‌ که‌ته‌وه‌ ده‌ست هێزه‌ عێراقییه‌کان.

مه‌عن هه‌روه‌ها ئاماژه‌ی دا: هێزه‌ ئه‌منییه‌كانی که‌رکووک ئاماده‌كارییان بۆ پلانی ئه‌منی له‌ ڕۆژی هه‌ڵبژاردندا ته‌واو كردوووه‌ و له‌ ئاماده‌ باشدان بۆ پاراستنی پارێزگاكه‌.

ئه‌م فه‌رمناده‌ عێراقییه‌ هه‌روه‌ها وتی: هێزی ئاسمانی عێراق و هاوپه‌یمانان به‌شداری له‌ پاراستنی بنكه‌كانی ده‌نگداندا ده‌كه‌ن و هێزه‌كانی دژه‌تیرۆری عێراقیش هاووڵاتییان بۆ بنكه‌كانی ده‌نگدان ده‌گوازنه‌وه‌.

شایانی باسه‌ که‌ له‌ دوای کشانه‌وه‌ی هێزه‌کانی پێشمه‌رگه‌ له‌ که‌رکووک و شه‌نگال ماوه‌یه‌که‌ باسی ئه‌وه‌ ده‌کرێت که‌ به‌ پشتیوانی ئه‌مریکا پێشمه‌رگه‌ بۆ شوێنه‌ ناکۆکه‌کان ده‌گه‌ڕێته‌وه‌.

News Code 18385

نیشانەکان

بۆچوونی ئێوە

You are replying to: .
  • 6 + 0 =