ده‌ستێوه‌ردانه‌ بیانییه‌کان ئاشتی له‌ سووریای دوا خستووه‌

وه‌زیری ده‌ره‌وه‌ی ئێران وتی: ده‌ستێوه‌ردانه‌ بیانییه‌کان ته‌نیا گه‌یشتن به‌ ئاشتی له‌ سووریای دوا خستووه‌ و دۆخه‌که‌ی زیاتر ئاڵۆز و خراب تر کردووه‌.

به‌ ڕاپۆرتی ئاژانسی مێهر، محه‌مه‌د جه‌واد زه‌ریف له‌ میانه‌ی به‌شاری کردن له‌ دوومین کۆنفڕانسی سووریا له‌ بروکسل وتی: یارمه‌تییه‌ مرۆڤییه‌کان بۆ سووریا یه‌که‌مایه‌تییه. ئه‌گه‌ر یارمه‌تییه‌ مرۆڤییه‌کان بێ لاینگری سیاسی بێت، زۆریش باشه‌ و یارمه‌تی پڕۆسه‌ی ئاشتیش ده‌دات.

ئه‌و سه‌باره‌ت به‌ ئاگربڕ له‌ سووریا وتی: ئاگربڕ ده‌بێت یه‌که‌مایه‌تی ئێمه‌ بێت. ئێران هاوهه‌نگاو له‌گه‌ڵ ڕووسیا و تورکیا له‌ دوای په‌ره‌دان به‌ ناوچه‌ی که‌م ناکۆکه‌. ئه‌م بڕیاره‌ش به‌ پێی ئه‌م ڕاستییه‌ پێکهاتووه‌ که‌ قه‌یرانی سووریا به‌ پێی دانوستانی سیاسی نێوان خودی سوورییه‌کان چاره‌سه‌ر بکرێت.

وه‌زیری ده‌ره‌وه‌ی ئێران ئاماژه‌ی به‌ هێرشی کیمیایی ئه‌م دواییه‌ی سه‌ر شاری دۆما له‌ سووریا کرد و وتی: ئێران خۆی له‌ ساڵی ۱۹۸۰وه‌ قوربانی چه‌کی کیمیایی بووه‌ و هه‌رجۆره‌ به‌ کارهێنانێکی چه‌کی کیمیایی له‌ لایه‌ن هه‌ر که‌سێته‌وه‌ بێت ئیدانه‌ ده‌کات، ئێمه‌ جه‌خت له‌ لێکۆڵینه‌وه‌ بێ لایه‌ن ده‌که‌ین. هاوکات هێرشی یه‌کلایه‌نه‌ ئیدانه‌ ده‌که‌ین. ده‌ستێوه‌ردانه‌ بیانییه‌کان ته‌نیا گه‌یشتن به‌ ئاشتی له‌ سووریای دوا خستووه‌ و دۆخه‌که‌ی زیاتر ئاڵۆز و خراب تر کردووه‌.

زه‌ریف له‌ کۆتایی قسه‌کانی خۆی وتی: ئێران له‌ ساڵانی ڕابردوو سه‌رقاڵی یارمه‌تی مرۆڤی بۆ خه‌ڵکی سووریا به‌ تایبه‌ت ئاواره‌کانی ئه‌م وڵاته‌ بووه‌. ئێمه‌ پێشتر هاوکارییه‌کانی خۆمان بۆ ئاوه‌دان کردنه‌وه‌ی ئه‌م وڵاته‌کان ده‌ست پێ کردووه‌.

News Code 18369

نیشانەکان

بۆچوونی ئێوە

You are replying to: .
  • 5 + 8 =