ئاناهیتای سەقز بە شانۆی "ئاوات"ەوە میوانی هەرێمی کوردستان دەبێت

حسێن ئەستیری ڕاوێژکاری فەرهەنگیی سەرکۆنسولگەریی کۆماری ئیسلامی ئێران لە هەولێر وتی: گرووپی شانۆی ئاناهیتا بە شانۆی سەرشەقامی "ئاوات"ەوە میوانی شارەکانی هەرێمی کوردستان دەبێت.

بە ڕاپۆرتی ئاژانسی هەواڵی مێهر،  حسێن ئەستیری وێرای ڕاگەیاندنی ئەو هەواڵە، وتیشی: شانۆی سەرشەقامی "ئاوات" لە داڕشتن و دەرهێنانی عەلیڕەزا ئیسماعیلی بە ناوەڕۆكی تەنزێکی کۆمەڵایەتی سەبارەت بە پەیوەندیگەلی مرۆیی بڕیارە لە پارک، بازاڕگەلی نەریتی، زانکۆکەکان، شوێنە مێژوویی و گەشتیارییەکانی شارگەلی هەولێر، سلێمانی، سۆران، ڕەواندۆز و ڕانیە لە ماوەی رۆژانی ٦ تا ١٢ی گوڵان بۆ هاووڵاتیانی هەرێمی کوردستان بە زمانی کوردی نمایش دەدرێت.

ڕاوێژکاری فەرهەنگیی سەرکۆنسولگەریی کۆماری ئیسلامی ئێران لە هەولێر وێرای ئاماژە بە لایەنی ئیجابیی ئەو هەنگاوەی گرووپی شانۆی ئاناهیتای سەقز لە پێناو پەرەدان بە پەیوەندییە فەرهەنگییەکان و چالاکیگەلی هونەریی هاوبەش، ڕایگەیاند: ئەو گرووپە شانۆییە لە سەر بانگهێشتی سەرکۆنسولگەریی ئێران لە هەولێر و هاوکاریی وەزارەتی رۆشنبیریی هەرێمی کوردستان و هەروەها ئیدارەی گشتیی فەرهەنگو  ئیرشادی ئیسلامیی پارێزگای کوردستان میوانی شارەکانی هەرێمی کوردستان دەبێت.

News Code 18367

نیشانەکان

بۆچوونی ئێوە

You are replying to: .
  • 5 + 13 =