هه‌ماری چەک و چۆڵی یەپەگە ته‌قییه‌وه‌

هه‌ماری چەک و چۆڵ و جیهازاتی سه‌ربازیی یەپەگە شه‌وی ڕابردوو له‌ قامیشلۆی سووریا و له‌ ناوچه‌ی ژێر کۆنتڕۆڵی هێزه‌کانی سووریای دیموکراتیک، ته‌قییه‌وه‌.

بە ڕاپۆرتی ئاژانسی هەواڵی مێهر بە گێرانەوە لە زەڕنیووز، شه‌وی ڕابردوو ته‌قینه‌وه‌یەکی به‌هێز له‌ هه‌ماری جیهازاتی سه‌ربازیی یه‌کینه‌کانی پاراستنی گه‌ل (YPG) له‌ قامیشلۆی سووریا و لە ناوچەی ژێر کۆنتڕۆڵی هێزه‌کانی سووریای دیموکراتیک (هەسەدە) ڕووی دا.

ئه‌و ته‌قینه‌وه‌ کاتژمێر ۲۱:۳۰ به‌ کاتی ناوچه‌یی سووریا ڕووی دا و ئاستی تەقینەوەکە بە ڕادەیەک بووە که‌ ده‌نگه‌که‌ی له‌ ناوچه‌ی نۆسه‌یبینی پارێزگای ماردینی تورکیا بیستراوه‌ و به‌ دوای ته‌قینه‌وه‌که‌ بۆ ڕێگری له‌ بشێوی و دڵه‌ڕاوکێی خه‌ڵکی ناوچه‌که‌ هه‌ندێک په‌یام بڵاو کراوه‌ته‌وه‌ و داوا له‌ خه‌ڵک کراوه‌ که‌ خۆببوێرن لە هاتنەدەر له‌ ماڵەکانیان.

تاکوو ئێستا هیچ به‌رپرسێکی هەسەدە، یەپەگە و هێزه‌کانی ئاسایشی خۆجێی له‌باره‌ی ئه‌و ته‌قینه‌وه‌ ڕوون کردنەوەی نەداوە و ئامارێک له‌ خه‌ساره‌کانی ئه‌و ته‌قینه‌وه‌ش ڕانەگەیێندراوە.

News Code 18365

نیشانەکان

بۆچوونی ئێوە

You are replying to: .
  • 6 + 4 =