به‌رجام سه‌رکه‌وتوو بووه‌ و ده‌بێت بمێنێته‌وه‌

به‌رپرسی سیاسه‌تی ده‌ره‌وه‌ی یه‌کێتی ئه‌ورووپا ڕایگه‌یاند که‌ ڕێککه‌وتنی ناڤۆکی له‌گه‌ڵ ئێران سه‌رکه‌وتوو بووه‌ و ده‌بێت ده‌ستی پێوه‌ بگیردرێت.

به‌ ڕاپۆرتی ئاژانسی مێهه، فدریکا موگرینی، به‌رپرسی سیاسه‌تی ده‌ره‌وه‌ی یه‌کێتی ئه‌ورووپا ڕایگه‌یاند که‌ ڕێککه‌وتنی ناڤۆکی له‌ نێوان ئێران و ۵ زلهێزی جیهان سه‌رکه‌وتوو بووه‌.

موگرینی له‌ میانه‌ی گفتوگۆ له‌گه‌ڵ مێدیاکاران له‌ بروکسل ئاماژه‌ به‌ قسه‌کانی ماکرۆن و ترامپ له‌ واشنتۆن کرد و وتی: له‌م قسانه‌ به‌ ڕوونی دیاره‌ که‌ به‌رجام سه‌رکه‌وتوو بووه‌ و ده‌بێت بمێنێته‌وه‌.

ئه‌و زیادی کرد: ئه‌وه‌ی ڕوونه‌ ئه‌م بابه‌ته‌یه‌ که‌ ئێمه‌ له‌ ئێستادا ڕێککه‌وتنێکمان هه‌یه‌. ئه‌م ڕێککه‌وتنه‌ توانیه‌تی به‌ر به‌وه‌ بگرێت که‌ ئێران ده‌ستی به‌ چه‌کی ناڤۆکی بگات.

موگرینی ئاماژه‌ی دا: به‌رپرسانی ئه‌مریکا ئه‌گه‌ر به‌ ڕوونی به‌رجام بخوێننه‌وه‌ ده‌یبینن که‌ ئه‌م ڕێککه‌وتنه‌ به‌ر به‌وه‌ ده‌گرێت که‌ ئێران ده‌ستی به‌ چه‌کی ناڤۆکی بگات.

ئه‌و هه‌روه‌ها درێژه‌ی دا: ماکرۆنیش ڕۆژی ڕابردوو له‌ کۆشکی سپی به‌ ڕوونی وتی که‌ به‌ بڕوای ئه‌وان جێبه‌جێ کردنی هه‌موو به‌رجام بۆ ئه‌منیه‌تی ئه‌ورووپا و ناوچه‌که‌ پێویسته‌ و ئه‌ورووپا پێبه‌ند ده‌بێت به‌م ڕێککه‌وتنه‌.

به‌رپرسی سیاسه‌تی ده‌ره‌وه‌ی یه‌کێتی ئه‌ورووپا وتی: ئه‌وه‌ی که‌ له‌ داهاتوودا چی ڕوو ده‌دات دواتر ڕوون ده‌بێته‌وه‌، به‌ڵام له‌ ئێستادا ڕێککه‌وتنێک هه‌یه‌، ئه‌م ڕێککەوتنه‌ سه‌رکه‌وتوو بووه‌ و ده‌بێت ده‌ستی پێوه‌ بگیردرێت.

News Code 18362

نیشانەکان

بۆچوونی ئێوە

You are replying to: .
  • 9 + 7 =