ئه‌گه‌ری گه‌ڕانه‌وه‌ی ۲۳ لۆری سووته‌مه‌نی له‌هەرێمەوە بۆ ئێران هه‌یه‌

به‌ڕێوه‌به‌ری کۆمپانیای نه‌ته‌وه‌یی بڵاو کردنه‌وه‌ی به‌رهه‌مه‌ نه‌وتییه‌کان له‌ کوردستان وتی: ده‌کرێت ۲۳ لۆری سووته‌مه‌نی له‌ سنووری پارێزگای کوردستان و هه‌رێم بگه‌ڕێته‌وه‌.

به‌ ڕاپۆرتی ئاژانسی مێهر، فه‌ره‌یدون یاسه‌می، به‌ڕێوه‌به‌ری کۆمپانیای نه‌ته‌وه‌یی بڵاو کردنه‌وه‌ی به‌رهه‌مه‌ نه‌وتییه‌کان له‌ کوردستان وتی: زیاتر له‌ ۲۸ هه‌زار بنه‌ماڵه‌ی سنوورنشینی له‌ کوردستان سووته‌مه‌نی له‌ ڕێگه‌ی ته‌عاونییه‌کان هه‌نارده‌ ده‌که‌ن. له‌ میانه‌ی ۱۰ ڕۆژی ڕابردوودا عێراق مۆڵه‌تی نه‌داوه‌ که‌ ۲۳ لۆری ئێرانی باره‌که‌ی خاڵی بکات.

ئه‌و زیادی کرد: لایه‌نی عێراقی سه‌ره‌ڕای ئه‌وه‌ی سووته‌مه‌نی ئێرانی ستانداردی نێونه‌ته‌وه‌یی هه‌یه‌، ئانالیزی نه‌وت و گازی له‌ ۵۰وه‌ بۆ ۷۰ به‌رز کردووه‌ته‌وه‌، به‌م پێیه‌ ئه‌گه‌ری ئه‌وه‌ هه‌یه‌ ۲۳ لۆری سووته‌مه‌نی ئێران بۆ ناوخۆ بگه‌ڕێته‌وه‌.

به‌ڕێوه‌به‌ری کۆمپانیای نه‌ته‌وه‌یی بڵاو کردنه‌وه‌ی به‌رهه‌مه‌ نه‌وتییه‌کان له‌ کوردستان ئاماژه‌ی دا: ئه‌گه‌ر ئه‌م کێشه‌یه‌ به‌رده‌وام بێت ئه‌وه‌ ئه‌گه‌ری هه‌نارده‌ کردنی سووته‌مه‌نی له‌ لایه‌ن سنوورنشینه‌کان ڕاده‌گیردرێت.

شایانی باسه‌ که‌ ساڵانێکی زۆره‌ که‌ هه‌رێمی کوردستان له‌ ئێرانه‌وه‌ سووته‌مه‌نی هاورده‌ ده‌کات، به‌ڵام ماوه‌یه‌که‌ هه‌رێم ناوه‌ ناوه‌ له‌ چوونی سووته‌مه‌نی ئێران به‌ هۆی دابه‌زینی کوالێتی به‌رگری ده‌کات.

News Code 18331

نیشانەکان

بۆچوونی ئێوە

You are replying to: .
  • 1 + 14 =