چه‌ند کۆنسێرتێک له‌ ده‌ره‌وه‌ی کوردستان ئه‌نجام ده‌ده‌ین

گۆرانی بێژ و لێکۆڵه‌ری مۆسیقای ناوچه‌یی کورد ڕایگه‌یاند که‌ هه‌وڵ ده‌ده‌ین تاکوو له‌ شاره‌ کوردییه‌کان و ده‌ره‌وه‌ی کوردستان کۆنسێرتی جیاواز به‌ڕێوه‌ ببه‌ین.

به‌ ڕاپۆرتی ئاژانسی مێهر، سه‌لاح خزری، موزسیانی ناسراوی کورد ڕایگه‌یاند: له‌ میانه‌ی ڕۆژانی ڕابردوو له‌ شاری مه‌هاباد کۆنسێرتێکی جیاوازمان به‌ڕێوه‌ برد که‌ له‌ لایه‌ن خه‌ڵکه‌وه‌ پێشوازی زۆر باشی لێکرا. له‌م کۆنسێرته‌ چه‌ند به‌سته‌ و مه‌قامی مۆسیقایی کوردستان له‌ لایه‌ن گرووپی وه‌فاییه‌وه‌ پێشکه‌ش کرا.

ئه‌و زیادی کرد: ئێمه‌ هه‌وڵی زۆرمان ئه‌وه‌یه‌ که‌ هه‌رچی بتوانین مۆسیقای کوردستان به‌و شێوازانه‌ی نه‌بیستراوه‌ بناسێنین، هه‌وڵیش ده‌ده‌ین ئه‌مساڵ تاکوو له‌ شاره‌کانی دیکه‌ی ئێرانیش که‌ کوردنشین نین کۆنسێرت به‌ڕێوه‌ ببه‌ین، بۆ ئه‌م مه‌به‌سته‌ش له‌گه‌ڵ چه‌ند شارێک به‌رنامه‌ی کۆنسێرتمان داناوه‌. هه‌ڵبه‌ت وه‌ک ڕابردوو ئه‌مساڵیش له‌ شاره‌کانی سنه‌ و سه‌قز و بانه‌ کۆنسێرت به‌ڕێوه‌ ده‌به‌ین.

خزری هه‌روه‌ها ئاماژه‌ی به‌ چالاکییه‌ زانستییه‌کانی خۆی له‌ بواری مۆسیقا کرد و وتی: ماوه‌یه‌ک به‌ر له‌ ئێستا کاسێتێکی نوێمان له‌گه‌ڵ گرووپی وه‌فایی له‌ مه‌هاباد له‌ ژێر ناوی سیدوان بلاو کرده‌وه‌ که‌ پێشوازی زۆر باشێ لێکرا. ئه‌م کاسته‌ مه‌قامی خانێکی کوردییه‌ که‌ ۳ کوڕه‌که‌ی به‌ هۆی ڕووداوی جۆراوجۆر له‌ ده‌ست ده‌دات و ئه‌مه‌ش ده‌بێته‌ هۆی گۆڕانکاری ڕیشه‌یی له‌ ژیانیدا. ئه‌م به‌رهه‌مه‌ یه‌کێکه‌ له‌ تراژیک ترین و نایاب ترین فلکلۆره‌کانی کوردستان که‌ ئێمه‌ و گرووپی وه‌فایی له‌ قاڵبی کاتێک کۆمان کرده‌وه‌ و دووباره‌ دامانڕشته‌وه‌.

شایانی باسه‌ که‌ ئه‌م مۆزسیانه‌ کورده‌ تاکوو ئێسته‌ چه‌ندین جار له‌ فستیڤاڵی مۆسیقای فه‌جری ئێران کۆنسێرتی پێشکه‌ش کردووه‌ و به‌ هۆی پێشکه‌ش کردنی مۆسیقایی تایبه‌تی کوردی چه‌ندین جار خه‌ڵاتی تایبه‌ت کراوه‌.

News Code 18322

نیشانەکان

بۆچوونی ئێوە

You are replying to: .
  • 6 + 9 =