ئاوڕ له‌ نه‌ژیارڤانی کوردی نادرێته‌وه‌

له‌ میانه‌ی ڕێوڕه‌سمی ڕوونوێنی له‌ کتێبی نه‌ژیارڤانی ئێران، له‌ ئاوه‌ڕ نه‌دانه‌وه‌ له‌ نه‌ژیارڤانی کوردی گله‌یی و ڕه‌خنه‌ گیرا.

به‌ ڕاپۆرتی ئاژانسی مێهر، هه‌ر ساڵ ۳ گوڵان ڕۆژی ڕێز گرتن له‌ شێخ به‌هایی له‌ ئێران به‌ ڕۆژی نه‌ژیاروان ده‌ناسرێت.

هه‌ر به‌م بۆنه‌وه‌ ئه‌نجومه‌نی نه‌ژیارڤانی کوردستان له‌ سنه‌ ڕێوڕه‌سمێکی به‌م بۆنه‌وه‌ به‌ڕێوه‌ برد که‌ تێیدا به‌ به‌شداری زۆربه‌ی به‌رپرسانی پارێزگاکه‌ کتێبی نه‌ژیارڤانی ئێرانی ڕوونوێنی کرا.

ئه‌م کتێبه‌ که‌ له‌ لایه‌ن ئیبراهیم زارعی، فه‌رمانداری شاری سنه‌وه‌ نووسراوه‌ لێکدانه‌وه‌یه‌کی زانستی له‌ نه‌ژیارڤانی ئێرانییه‌ له‌ سه‌رده‌می سه‌فه‌وییه‌کان تاکوو ئه‌م ساڵانی دواییه‌.

ئیبراهیم زارعی له‌م ڕێوڕه‌سمه‌ وتی: نه‌ژیاروانانی ئێرانی به‌رده‌وام پێگه‌ی زۆر گرنگیان له‌ لای حاکمانی ئێرانی بووه‌، له‌ ڕابردوو به‌ که‌سێک که‌ ئاوی له‌ ژێر زه‌وی ده‌رده‌کێشا و بیناکانی دروست ده‌کرد ئه‌ندازیار ده‌وترا که‌ له‌م ڕۆدا هه‌موو ئه‌مانه‌ بوانی تایبه‌تی زانستی به‌ خۆیان هه‌یه‌.

ئه‌و زیادی کرد: کوردستان ڕۆڵێکی تایبه‌تی له‌ مێژووی نه‌ژیارڤانی ئێرانی هه‌یه‌ به‌ڵام به‌داخه‌وه‌ ئاوڕی لێنه‌دراوه‌ته‌وه‌، دوای ئه‌سفه‌هان کوردستان باشرین ئۆرۆسییه‌کانی بینا ئێرانییه‌کانی دروست کردووه‌. مۆزه‌خانه‌ی سنه‌ و عیماره‌تی ئاسه‌ف جوانترین نموونه‌ی ئه‌م بیناسازییه‌ن له‌ کوردستان.

فه‌رمانداری سنه‌ له‌ کۆتایدا جه‌ختی کرد که‌ ده‌بێت ئاوڕی تایبه‌ت و گرنگ له‌ نه‌ژیارڤانی له‌ کوردستان بدرێته‌وه‌ که‌ هیوادارم خوێندکاره‌کانی کورد له‌م بواره‌ ئه‌م کاره‌ به‌ وردی ئه‌نجام بده‌ن و نیشانه‌ و دیزاین و ستایله‌کانی نه‌ژیارڤانی کۆنی کورد به‌ بیناسازی ئه‌مڕۆیمان له‌ شاره‌کان زیاد بکرێت.

News Code 18292

نیشانەکان

بۆچوونی ئێوە

You are replying to: .
  • 3 + 4 =