به‌رخۆدان له‌ لوبنان پشتیوانی ده‌کات

سه‌رۆکی حزبوڵای لوبنان له‌ میانه‌ی کۆبوونه‌وه‌ی هه‌ڵبژاردن له‌ لوبنان ئیدانه‌ی ئه‌و که‌سانه‌ی کرد خه‌ڵک له‌ به‌ره‌ی خۆڕاگری ده‌ترسێنن و وتی: خۆڕاگری له‌ به‌رانبه‌ر زایۆنییه‌کان و تیرۆریسته‌کان له‌ لوبنان پشتیوانی ده‌کات.

به‌ ڕاپۆرتی ئاژانسی مێهر، سه‌ید حه‌سه‌ن نه‌سرۆڵا، سه‌رۆکی حزبوڵای لوبنان له‌ له‌ میانه‌ی کۆبوونه‌وه‌ی هه‌ڵبژاردن له‌م وڵاته‌ وتی: ئه‌م کۆبوونه‌وه‌ به‌ مه‌به‌ستی پشتیوانی له‌ یه‌کگرتوویی نه‌ته‌وه‌ییه‌. ده‌بێت خه‌ڵک ئه‌مه‌ بزانن ئه‌گه‌ر ئێسته‌ داعشییه‌کان هه‌ر له‌ لوبنان ده‌بوون ئێمه‌ نه‌ماده‌توانی هه‌ڵبژاردن به‌ڕێوه‌ ببه‌ین چون دژی هه‌رجۆره‌ کارێکی دیموکڕاتیکن.

ئه‌و زیادی کرد: ئێمه‌ له‌ لوبنان هه‌میشه‌ و به‌رده‌وام له‌ پێکه‌وه‌ ژیانی موسوڵمانه‌کان و مه‌سێحییه‌کان پشتیوانیمان کردووه‌ و ئه‌مڕۆش له‌ هه‌موو جێگه‌یه‌کی لوبنان ئه‌م پێکه‌وه‌ ژیانه‌ ده‌بینن. ئێمه‌ ئیمانمان هه‌یه‌ که‌ لوبنان بێجگه‌ له‌ ڕێگه‌ی به‌شداری کردنی هه‌موو لایه‌نه‌کان هیچ ڕێگه‌یه‌کی دیکه‌ی بۆ ئارامی و سه‌قامگیری نییه‌. ئێمه‌ له‌ هه‌موو ده‌وه‌ڵه‌ته‌کانی لوبنان به‌ هێزی ته‌واوه‌ له‌ به‌شداری کردنی مه‌سیحی و که‌مینه‌کان له‌ ده‌وڵه‌ت پشتیوانیمان کردووه‌ و ئێسته‌ هه‌موو که‌س به‌ ڕاستی پێداگرییه‌کانی ئێمه‌ گه‌یشتوون.

نه‌سروڵا وتی: به‌رده‌وام هه‌ڵ ده‌درێت سیمایه‌کی ناشرین له‌ به‌ره‌ی خۆڕاگری دروست بکه‌ن، به‌ڵام هه‌مووی درۆیه‌ ئێمه‌ هیچ کات هه‌وڵمان نه‌دواوه‌ که‌ دانیشتوانی ناوچه‌یه‌ک له‌ ماڵ و حاڵی خۆیان ده‌ربکه‌ین و به‌رده‌وام داوامان کردووه‌ خه‌ڵک بگه‌ڕێنه‌وه‌ بۆ گونده‌کانی خۆیان، ئه‌گه‌ر حزبۆڵا نه‌ده‌بوو لوبنان ڕووی ئه‌منیه‌تی به‌خۆیه‌وه‌ نه‌ده‌دی. به‌ره‌ی خۆڕاگری له‌ هه‌موو شاخه‌کان له‌ ته‌نیشت سوپای لوبنان شه‌ڕی کردووه‌ و تیرۆریسته‌کانی له‌م وڵاته‌ ده‌ر کردووه‌.

ئه‌و له‌ کۆتایدا وتی: دوای ماوه‌یه‌ک ڕۆژانی هه‌ڵبژاردن ته‌واو ده‌بێت و ئێمه‌ هه‌موومان پێکه‌وه‌ ده‌بێت کۆببینه‌وه‌ تاکوو ده‌وڵه‌ت پێک بێت، که‌واته‌ با ئه‌وه‌نده‌ له‌ ناشرین کردنی یه‌کتر تووندڕه‌وی نه‌کرێت. ئێمه‌ به‌ هه‌موو توانی خۆمان له‌ خشته‌ی میشل عۆن، سه‌رۆک کۆماری لوبنان پشتیوانی دەکەین.A

News Code 18291

نیشانەکان

بۆچوونی ئێوە

You are replying to: .
  • 4 + 4 =