گەشتە ناوچەییەکانی رۆژئاوای وڵات بە ناوەندێتیی کرماشان وەڕێدەخرێت

جێگری هاوئاهەنگیی کاروباری ئاوەدانی پارێزگاریی کرماشان لە ڕەزامەندیی وەزیری رێگە و شارسازی بۆ وەڕێخستنی گەشتە ناوچەییەکانی رۆژئاوای وڵات بە ناوەندێتیی کرماشان هەواڵی دا.

بە ڕاپۆرتی ئاژانسی هەواڵی مێهر، مێهرداد سالاری جێگری هاوئاهەنگیی کاروباری ئاوەدانی پارێزگاریی کرماشان وتیشی: لەوە بە دوا گەشتە ناوچەییەکانی رۆژئاوای وڵات بۆ ناوخۆ و دەرەوە وڵات لە رێگەی کرمانشاه ئەنجام دەدرێت.

سالاری ڕاشیگەیاند: فرۆکەخانەی ئەشرەفی ئیسفەهانی کرماشان یەکێکە لە دە فرۆکەخانەی سەروی وڵات و لە نێوان فرۆکەخانەکانی رۆژئاوای وڵات تاقە فرۆکەخانەیەکە کە بە شێوەی ٢٤ کاتژمێرە، چالاکە و توانای ئاراستەکردنی خزمەتکاریی هەیە.

ئاماژەی بەوەش دا: بە ئاوردانەوە لە زەروورەت و پێویستیی چوون و بەهرەمەندبوونی خەڵکی پاریزگا و رۆژئاوای وڵات بە تایبەت پارێزگاکانی کوردستان، ئیلام، لورستان و هەمەدان بۆ شوێنەکانی دیکەی وڵات، پێویستمان بە گەشە و دەوڵەمەندترکردنی ناوەندێک بۆ جێبەجێ کردنی ئەو پرسە هەیە.

جێگری هاوئاهەنگیی کاروباری ئاوەدانی پارێزگاریی کرماشان زیادی کرد: بۆ ئەو مەبەستە لە گەڵ وەزیری بەڕێزی رێگە و شارسازی سەبارەت بە ئەنجامدانی گەشتە ناوچەییەکانی رۆژئاوای وڵات بە ناوەندێتیی کرماشان بۆ ناوخۆ و دەرەوەی وڵات گفتوگۆ کرا و بە خۆشحاڵییەوە پاش پێوشوێنگرتنەکان وەزیری رێگە و شارسازی ئەو پێشنیارەی بە هەند وەرگرت و ڕەزامەندیی خۆی لەوبارەوە دەربڕی.

News Code 18200

نیشانەکان

بۆچوونی ئێوە

You are replying to: .
  • 7 + 5 =