قه‌ت به‌ فارسی شێعرم نه‌نووسیوه‌/هیودارم کۆڕی ئەدەبی زیاتر بەڕێوە بچێت

دوێنێ شه‌و ته‌له‌فیزیۆنی پارێزگای کوردستان گفتوگۆیه‌کی ساڵی ۱۳۶۴ی هه‌تاوی له‌گه‌ڵ مامۆستا هێمن بڵاو کرده‌وه‌ کە تێدا مامۆستا هێمن وتی: قەت بە فارسی شێعرم نەنووسیوە.

به‌ ڕاپۆرتی ئاژانسی مێهر، ساڵی ۱۳۶۴ مامۆستا هێمن به‌ مه‌به‌ستی به‌شداری کردن له‌ کۆڕێکی ئه‌ده‌بی شاری سنه‌ سه‌ردانی ئه‌م شاره‌ ده‌کات و هه‌ر به‌م بۆنه‌وه‌ سه‌باره‌ت به‌ زمان و ئه‌ده‌بی کوردی گفتوگۆیه‌ک له‌گه‌ڵ ته‌له‌فیزیۆنی کوردستان ئه‌نجام دا.

مامۆستا هێمن له‌م گفتوگۆیه‌ سه‌باره‌ت به‌ مامۆستا هه‌ژار، هاوڕێی چه‌ندین ساڵه‌ی خۆی وتی: که‌س ناتوانێت به‌ قه‌د مامۆستا هه‌ژار ئیدعای زانینی زمانی کوردی بکات.

ئه‌و هه‌روه‌ها زیادی کرد: مامۆستا هه‌ژار له‌ بواری نه‌سر و شێعر و وه‌رگێڕان کاری زۆر جدی و به‌هێزی کردووه‌ به‌ڵام من وه‌ک شێعر، هۆنراوه‌ شێعرییه‌کانی به‌ شێعر نازانم.

مامۆستا هێمن سه‌باره‌ت به‌ وه‌رگێڕانی خه‌یام له‌ لایه‌ن هه‌ژار موکریانییه‌وه‌ وتی: به‌ تایبه‌ت مامۆستا هه‌ژار له‌ ڕووی وه‌رگێڕانه‌وه‌ یه‌کجار به‌هێزه‌، بڕوانن کاتێک شێعره‌کانی خه‌یام به‌ کوردی ده‌خوێننینه‌وه‌ لاوامان وایه‌ که‌ ئه‌م شێعرانه‌ به‌ زمانی کوردی نووسراون، واتا ئه‌وه‌نده‌ به‌هێز کردوویه‌تی به‌ کوردی.
ئه‌و زیادی کرد: له‌مڕووه‌وه‌ مامسۆتا هه‌ژار دوو خزمه‌تی گه‌وره‌ی به‌ زمانی کوردی کردووه‌ یه‌که‌م؛ ناوه‌ڕۆکی پڕبایه‌خی شێعری مامۆستا هه‌ژاری به‌ کوردی کردووه‌، دووهه‌م وه‌رگێڕانێکی پووخت و به‌هێزی ئه‌نجام داوه‌.

له‌ درێژه‌ی ئه‌م گفتوگۆیه‌ مامۆستا هێمن له‌ وڵامی ئه‌م پرسیاره‌ که‌ ئایا به‌ زمانی فارسی شێعرت وتووه‌ یان نا وتی: نه‌خێر، هه‌رگیز به‌ زمانی فارسی شێعرم نه‌نووسیوه‌، ئه‌مه‌ش بۆ ئه‌م بابه‌ته‌ ده‌گه‌ڕێته‌وه‌ که‌ من شاره‌زای زمانی فارسی نه‌بووم. ئه‌گه‌رنا شێعرم به‌م زمانه‌ش ده‌وت لام وایه‌ که‌ ئێمه‌ کاتێک شاره‌زایمان له‌ شتێکدا نییه‌ نابێت ده‌ستی بۆ ببه‌ین و منیش شاره‌زایی باشی زمانی فارسی له‌ ئاستی شێعر وتنم نه‌بووه‌.

مامۆستا هێمن سه‌باره‌ت به‌ نه‌وه‌ی نوێی شاعرانی کورد وتی: من باشترین قسه‌م بۆ شاعرانی لاو ئه‌وه‌یه‌ تاکوو ئه‌و جێگه‌ی ده‌توانن شێعره‌کانی خۆیان کورت بکه‌نه‌وه‌ له‌ خۆیانه‌وه‌ شتی زیاده‌ نه‌نووسن، کاتێک خه‌یاڵ ڕاوه‌ستا شێعر نووسین مانای نییه‌ و شته‌که‌ چێژی نامێنێت، من له‌ کاری شێعر نووسیندا یه‌کجار بڕوام له‌ به‌ کورت نووسینه‌ که‌ خۆمان له‌ شتی زیاده‌ و دروشم بپارێزین.

هه‌روه‌ها مامۆستا هێمن سه‌باره‌ت به‌ کۆڕه‌ ئه‌ده‌بییه‌کان وتی: به‌ڕێوه‌ چوونی کۆڕه‌ ئه‌دبییه‌کان له‌ نێوان شاعرانی کورد و ئێرانی یه‌کجار کارێکی باشه‌، ئه‌مڕۆ شاعرێکی هه‌ست ناسکی مازه‌نده‌رانی هاتبووه‌ سنه‌ که‌ پێی وتم به‌ر له‌ شۆڕش من هه‌رگیز ناوی سنه‌م نه‌بیستبوو ئه‌مه‌ زۆر جێگه‌ی داخه‌ و ده‌بێت هه‌وڵ بده‌ین که‌ خۆمان بناسێنین.
ئه‌م شاعره‌ ناوداره‌ کورد ئاماژه‌ی دا: هه‌ڵبه‌ت ئه‌مه‌ له‌ ناو خۆشماندا کێشه‌یه‌، من خۆم نیوه‌ی جیهان گه‌ڕاون ته‌نیا ۲ جار هاتوومه‌ته‌ شاری سنه‌، واتا ئێمه‌ خۆشمان نیشتمانی خۆمان به‌ باشی ناناسین.

شایانی باسه‌ له‌ کۆتایی ئه‌م گفتوگۆیه‌دا مامۆستا هێمن شێعرێکی به‌ ده‌نگی خۆی پێشکه‌ش کرد.

News Code 18175

نیشانەکان

بۆچوونی ئێوە

You are replying to: .
  • 6 + 11 =